Dikatse tsa ga Selemeng
Lorato Trok
Marleen Visser and Wiehan de Jager
Selemeng o rata dikatse. Go na le dikatse tse dintsi kwa ntlong ya gagwe.
Selemeng o na le katse e ntsho e le nngwe. Katse e, e ja nama e ntsi.
Selemeng o na le katse e le nngwe e e nonneng. Katse e, e ja sengwe le sengwe.
Katse ya boraro, e tabogela kwa godimo ga setlhare. Katse e, e palelwa ke go fologa mo setlhareng.
Selemeng o palama setlhare. O palelwa ke go fologa le katse ya boraro. Mmaagwe Selemeng o tshwanetse go ba thusa go fologa.
Selemeng o na le dikatse tse pedi tse di botswa. Di rapama kwa ntle mo letsatsing motshegare otlhe.
Selemeng o na le dikatse tse tharo tse di matlhagatlhaga. Di tshwara dikatse mo boapeelong bosigo.
Selemeng o na le ntšwa e le nngwe. Leina la yone ke Lirafi. Lirafi ga a na ditsala. O tlhoafetse.
Dikatse tsa ga Selemeng ga di rate Lirafi. Di mo kobela kwa ntle. Lirafi o a tshaba.
Selemeng o bona Lirafi mme o mo tlisa gae. Dikatse ga di a itumela. Ga di batle go bona Lirafi gape.
Selemeng o na le dikatse tse kae? O na le dikatse tse robedi.
Selemeng o na le dintšwa tse kae? O na le ntšwa e le nngwe. Lirafi o kae jaanong?
O na le dikatse tse kae kwa gae? O na le dintšwa tse kae kwa gae?
You are free to download, copy, translate or adapt this story and use the illustrations as long as you attribute in the following way:
Dikatse tsa ga Selemeng
Author - Khothatso Ranoosi and Marion Drew
Translation - Lorato Trok
Illustration - Marleen Visser and Wiehan de Jager
Language - Setswana
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
Original source http://paleng.weebly.com/.
