African Storybook - Yìy à Simbi wo fiy

Yìy à Simbi wo fiy

Beatrice Tafon Takeh and Mbinkar Emmanuel Keelen

Benjamin Mitchley

Yìy à Simbi-iì kpù ne. Simbi wùn tàr wov nèn kù a dzə, a sənén vitú vév.

Wáa dzə e kishiíy kímóʼ kí bàá Simbi wáa wìy fo laʼ wùn wiíy wùmòʼ aá yoŋ ji Anita.

Tàr à Simbi nèn a yeʼéy Simbi ji wù biímé á Anita ji ye wov.

Simbi-iì rəsí dzə́ mendzən mendzən. Kifá ke ki-iì rəər wun ki ku-uù joʼ bvə̀ràŋgí wo shomkin wo ŋkfə yè wov.

Bàá Simbi wìy dù e kwaʼ lim, Anita wùn Simbi siíy a bànnìn.

Lóo dzə e ghan símóʼ sí, wù dzə̀v Simbi. Lo, la wù yòʼ fə̀m fò wun viyíkìr.

Wù lo wù sə̀ŋ Simbi fo kikun. Bvə̀ràŋgí yìy à Simbi və̀y nèn lò e saàsi.

Simbi tùʼ bvə̀ràŋgí wùn à kifá ke yi ki, e nèn lèʼ laʼ.

Wù dù, e shiíy e kici, a yòv luŋ a taŋ yè wov.

Wiíy wùmoʼ nèn lì ghán e yuùrí luŋ Simbi kijuujùŋ.

Wiíy və̀n nèn kìíy ji Simbi dzə̀ á wan fər və woo lumèn.

Wù lì Simbi wùn wun dù a dzə. Simbi wáa yikir, a buuné kijuŋ.

Bàá Simbi wìy lòo kfən e bàm, e làa yòʼ yen Simbi e laʼ.

Bàá yoŋ sho jii, "Kú a dzə ri vèn fər wom e du mèe mo à koŋe."

Anita wùn Simbi nèn lò e kèʼ a kòŋnìn.

Anita fer viyíkìr wù tsə́nsi vé Simbi. Simbi nèn yèn ji a dzè lèn wun lò e bàʼtí, a kfən a fo laʼ.

You are free to download, copy, translate or adapt this story and use the illustrations as long as you attribute in the following way:

Yìy à Simbi wo fiy

Author - Rukia Nantale
Translation - Beatrice Tafon Takeh and Mbinkar Emmanuel Keelen
Illustration - Benjamin Mitchley
Language - Lámnsoʼ
Level - First sentences