Yìy à Simbi-iì kpù ne. Simbi wùn tàr wov nèn kù a dzə, a sənén vitú vév.
Wáa dzə e kishiíy kímóʼ kí bàá Simbi wáa wìy fo laʼ wùn wiíy wùmòʼ aá yoŋ ji Anita.
Tàr à Simbi nèn a yeʼéy Simbi ji wù biímé á Anita ji ye wov.
Simbi-iì rəsí dzə́ mendzən mendzən. Kifá ke ki-iì rəər wun ki ku-uù joʼ bvə̀ràŋgí wo shomkin wo ŋkfə yè wov.
Bàá Simbi wìy dù e kwaʼ lim, Anita wùn Simbi siíy a bànnìn.
Lóo dzə e ghan símóʼ sí, wù dzə̀v Simbi. Lo, la wù yòʼ fə̀m fò wun viyíkìr.
Wù lo wù sə̀ŋ Simbi fo kikun. Bvə̀ràŋgí yìy à Simbi və̀y nèn lò e saàsi.
Simbi tùʼ bvə̀ràŋgí wùn à kifá ke yi ki, e nèn lèʼ laʼ.
Wù dù, e shiíy e kici, a yòv luŋ a taŋ yè wov.
Wiíy wùmoʼ nèn lì ghán e yuùrí luŋ Simbi kijuujùŋ.
Wiíy və̀n nèn kìíy ji Simbi dzə̀ á wan fər və woo lumèn.
Wù lì Simbi wùn wun dù a dzə. Simbi wáa yikir, a buuné kijuŋ.
Bàá Simbi wìy lòo kfən e bàm, e làa yòʼ yen Simbi e laʼ.
Bàá yoŋ sho jii, "Kú a dzə ri vèn fər wom e du mèe mo à koŋe."
Anita wùn Simbi nèn lò e kèʼ a kòŋnìn.
Anita fer viyíkìr wù tsə́nsi vé Simbi. Simbi nèn yèn ji a dzè lèn wun lò e bàʼtí, a kfən a fo laʼ.