African Storybook
Menu
Ntampaka n'intango yapfuye
Aloysie Uwizeyemariya
Emily Berg
Kinyarwanda
Kera habayeho umugabo witwaga Ntampaka akaba yari yoroye inka. Buri munsi Ntampaka yaragiraga inka ye akanayiha amazi. Ariko akagira akabindi gato ko kubikamo amazi.
Ibi byatumye ajya mu rugo rw'umuturanyi we gutira ikibindi kinini cyo kujya aterekamo amazi. Uwo muturanyi yemeye kumutiza intango yagiraga iruta izindi aramubwira ati: "Burya ikibazo cy'umuturanyi wange kiba ari icyange."
Hashize iminsi mike, Ntampaka ajya ku mubumbyi agura akabindi gato. Ageze imuhira agatereka muri ya ntango yatiye umuturanyi.
Hanyuma yikorera yantango iteretsemo akabindi gato. Ayitirurira wa muturanyi wayimutije.
Ntampaka aramubwira ati: "Nari nkuzaniye intango yawe kandi dore yaranabyaye." Umuturanyi biramutangaza cyane ashimira Ntampaka amubwira ati: "Biragaragara ko iwawe muri abanyamugisha rwose!"
Nyuma y'iminsi mike, Ntampaka asubira kwa wa muturanyi arongera amutira intango. Ariko noneho yari afite umugambi mubi.
Nyir'intango yategereje ko Ntampaka yayitirura araheba. Ageze aho, afata inzira ajya iwe aramubwira ati: "Nari nje gutwara ya ntango yange."
Ntampaka aramusubiza ati: "Nshuti yange rero, intango yacu yarapfuye. Ubu nari ngiye kuza iwawe kukubwira iyo nkuru mbi."
Umuturanyi asa n'ukubiswe n'inkuba yiterera hejuru. Ararakara cyane atonganya Ntampaka ati: "Aho nabereye sinigeze numva aho ikibindi gipfa!"
Ntampaka aramusubiza ati: "Nshuti yange ukwiriye kubyemera. Ikintu cyose gishobora kubyara kigomba no gupfa. Nange nababajwe cyane n'urupfu rw'iriya ntango."
Umuturanyi yari yarakaye cyane bituma ajyana Ntampaka mu rukiko. Umucamanza amaze kubatega amatwi bombi asanga nyir'intango ariwe uri mu makosa.
Aramubwira ati: "Igihe Ntampaka yakubwiraga ko intango yabyaye warabyemeye. None rero ugomba kwemera n'ibyo akubwira ko igifite ubuzima cyose, kikagira ubushobozi bwo kubyara kigomba no gupfa. Ibyo ni ukuri ntabwo abeshya." Ng'uko uko umucamanza yaruciye.
Umuturanyi wa Ntampaka ataha aseta ibirenge. Ntampaka yegukana intango abikesheje amayeri ye.
You are free to download, copy, translate or adapt this story and use the illustrations as long as you attribute in the following way:
Ntampaka n'intango yapfuye
Author - Peter Kisakye
Translation - Aloysie Uwizeyemariya
Illustration - Emily Berg
Language - Kinyarwanda
Level - Longer paragraphs
© Text: Uganda Community Libraries Association (Ugcla) Artwork: African Storybook Initiative 2015
Creative Commons: Attribution 4.0
Source www.africanstorybook.org
Original source http://ugcla.org
Menu
  • Navigate

    Navigate through the story by swiping right or left or clicking when the cursors changes to an arrow on the right or the left edge of the screen.

    Tap or click on the centre of the page to see, or remove the menu bars at the top and the bottom of the screen. You can also use the ESC key.

    You can use the slider at the bottom as a way to move quickly through the story. On a mobile device tap on the slider before you drag the slider button.

    Click or tap to return to African Storybook.

  • Share
    If you have a Twitter or Facebook account, you can share this story on your page or a page you manage. You can also copy the web link (URL) for this story.
    • Twitter
    • Facebook
    • Url
  • Rate
    Other visitors rated this story

    Tell us how much you liked the story – drag the scroller to highlight one or more stars
    • Submit
  • Comment
    Read other people’s comments on the story, or add your own.
    • Enter your comment
    • Name
    • E-mail
    • Post
  • Translations and adaptations
    • Byantaka anongo ifwiide
      ChiTonga (Translation)
    • Byantaka anongo ifwiide
      ChiTonga (Adaptation)
    • Byantaka na Poto Yakufa
      CiNyanja (Translation)
    • Ganizani ndi Poto Wakufa
      CiNyanja (Adaptation)
    • Byantaka and the dead pot
      English (Translation)
    • The pot that died
      English (Adaptation)
    • Dambu Kashe Mai Zari
      Hausa (Nigeria) (Translation)
    • Byantaka noomutondo waafwa
      IciBemba (Translation)
    • Malumo na umutondo waafwa
      IciBemba (Adaptation)
    • Chungu kilichokufa
      Kiswahili (Translation)
    • Biantaka na chungu kilichokufa
      Kiswahili (Translation)
    • Byantaka ne Entamu Eyafa
      Lusoga (Original)
    • Ensugha eyafa
      Lusoga (Translation)
    • Agulu Na Atoani
      Ng’aturkana (Translation)
    • Inyungu yafwa
      Oluwanga (Translation)
    • Ensoha Eyafire
      Runyoro (Translation)
    • እታ ዝሞተት ዕትሮ
      Tigrigna (Translation)
  • Download to read
    Landscape version
  • Download to print
    Portrait (booklet) version
  • Download EPUB