African Storybook - ዘይምምእዛዝ

ዘይምምእዛዝ

Angesom Abadi

Marion Drew

ናይ እንስሳታት ናይ ድቃስ ስዓት እዩ ነይሩ። ሓንቲ ዘይምእዝዝቲ እንስሳ ግን ኣይድቅስን ኢላ ኣበየት።

እታ ሓረስተይቲ ንሓሰማ ናብ ደንበኺ እተዊ በለታ። ንሳ እምቢ በለት።

እታ ሓረስተይቲ ንትኣማኒ ኩርማጅ ግረፋ በለቶ። ኩርማጅ እምቢ በለ።

ቁጡዕ ሓዊ ንትኣማኒ ኩርማጅ ኣየቃፅሎን በለ።

ፅሩይ ማይ ንቑጡዕ ሓዊ ኣየጥፍኦን በለ።

እታ ሓረስተይቲ ንተሓላቢት ላሕሚ ንፅሩይ ማይ ስተይዮ በለታ።

ተሓላቢት ላሕሚ “ነቲ ማይ ክሰትዮ እየ። ፀሚኡኒ እዩ” በለት።

ፅሩይ ማይ “ከይትሰትይኒ። ንሓዊ ከጥፍኦ እየ” በለ።

ቑጡዕ ሓዊ “ግደፍ፤ ንትኣማኒ ኩርማጅ ከቃፅሎ እየ ” በለ።

ተኣማኒ ኩርማጅ “በጃኻ ከይተቃፅለኒ። ንሓሰማ ክገርፋ እየ” ኢሉ በኸየ።

ሓሰማ ሓሪቓ “እሺ፣ ንደምበይ ክኣቱ እየ ” በለት።

ሓሰማ ኣብ ደምብኣ ኣትያ ደቀሰት።

You are free to download, copy, translate or adapt this story and use the illustrations as long as you attribute in the following way:

ዘይምምእዛዝ

Author - Thobile Gama
Translation - Angesom Abadi
Illustration - Marion Drew
Language - Tigrigna
Level - First words