ናይ እንስሳታት ናይ ድቃስ ስዓት እዩ ነይሩ። ሓንቲ ዘይምእዝዝቲ እንስሳ ግን ኣይድቅስን ኢላ ኣበየት።

እታ ሓረስተይቲ ንሓሰማ ናብ ደንበኺ እተዊ በለታ። ንሳ እምቢ በለት።

እታ ሓረስተይቲ ንትኣማኒ ኩርማጅ ግረፋ በለቶ። ኩርማጅ እምቢ በለ።

ቁጡዕ ሓዊ ንትኣማኒ ኩርማጅ ኣየቃፅሎን በለ።

ፅሩይ ማይ ንቑጡዕ ሓዊ ኣየጥፍኦን በለ።

እታ ሓረስተይቲ ንተሓላቢት ላሕሚ ንፅሩይ ማይ ስተይዮ በለታ።

ተሓላቢት ላሕሚ “ነቲ ማይ ክሰትዮ እየ። ፀሚኡኒ እዩ” በለት።

ፅሩይ ማይ “ከይትሰትይኒ። ንሓዊ ከጥፍኦ እየ” በለ።

ቑጡዕ ሓዊ “ግደፍ፤ ንትኣማኒ ኩርማጅ ከቃፅሎ እየ ” በለ።

ተኣማኒ ኩርማጅ “በጃኻ ከይተቃፅለኒ። ንሓሰማ ክገርፋ እየ” ኢሉ በኸየ።

ሓሰማ ሓሪቓ “እሺ፣ ንደምበይ ክኣቱ እየ ” በለት።

ሓሰማ ኣብ ደምብኣ ኣትያ ደቀሰት።