Enkíné, Oldía Ó Enkíténg
Leonard Kotikash
Marleen Visser
Maa

Ilchoréta apá enkíne, oldía ó enkíténg. Óre enkolóng nabô népuo páran te engárrî.
Óre peê ebayá, néjokí oláréwání lé engárri peê élâk iropiyianí enyê. Nélak enkíteng inenyéna.
Nélak oldía aitulusoó, amû meáta esíáná oó iropiyianí naáíririkíno.
Néjo oláréwání áshúkóki oldía iropiyianí enyéna naátelekutúa, nédol enkíné peê eisík aló éítû élâk.
Négoro naléng oláréwání. Néreu engárri aló éítû eshukokí oldía iropiyianí enyéna naáshukokíno.
Náa ínâ peê óre o táatá kémir oldía engárri aing'orú olaréwani leitú éíshô iropiyianí enyéna naáshukúnye.
Néísik enkíne tenéning engárri nalotú. Kéuré ajó kéíbung'í amû eitú élâk iropiyianí enyéna.
Néméírut nínye enkíteng tenéning engárri nalotú. Kédeenyári tenélang enkóítói. Kéyíólo ajó étáláá iropiyianí enyéna te lulúng'ata.
You are free to download, copy, translate or adapt this story and use the illustrations as long as you attribute in the following way:
Enkíné, Oldía Ó Enkíténg
Author - Fabian Wakholi
Translation - Leonard Kotikash
Illustration - Marleen Visser
Language - Maa
Level - First sentences
Translation - Leonard Kotikash
Illustration - Marleen Visser
Language - Maa
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
Creative Commons: Attribution 4.0
Source www.africanstorybook.org

