Bayi ba Akinyi
Edith Sikota Habwanda
Vusi Malindi
Aaba mbayi bangu. Zyina Iyabo mbaa Akinyi.
Ba Akinyi balandiyanda kapati.
Bayi ba Akinyi balatuyiisya alufabbeti atubala tusyoonto.
Inga ndaamba tuvwuumina twatubala a, e, i, o, u.
Bayi ba Akinyi, balatuyiisya mibala.
Mebo ndiliizyi mibala eeyi: ledi, bbuluu, gilini, yelo, a bbulaki.
Ciindi cakupumuna, bayi balatwiimbila kutegwa toone.
Balatwiimbila iwiimbo iwakutubutika.
Lwiimbo iwakutubutika ndoolu:
Ŋonzi zyangolide zyiboole kumeso aanu,
Lumwemwe lulamulindila mwabuka,
Amoone nobayandwa, mutalili,
Ndilamwiimbila kaimbo kalweela kakumubutika.
Bayi ba Akinyi balizyi twaano tunji.
Balatwaanina twaano twaandeene buzuba abuzuba bwamvwiki.
Mumuvwulo, balatwaanina twaano twabalombwana basyomwa.
Muli bwabili, balatwaanina twaano twabamakaintu basyomwa.
Muli bwatatu, balatwaanina twaano tujatikizya zyeendelo.
Muli bwane, balatwaanina twaano tujatikizya bulimi.
Muli bwasamu, Bayi ba Akinyi batwaambila kwaana twaano twesu mukkilasi.
Bayi besu mbaasyaabupampu bainda munyika yoonse.
Ndaakukomena, ndiyanda kuyakuba mbuli Bayi ba Akinyi.
You are free to download, copy, translate or adapt this story and use the illustrations as long as you attribute in the following way:
Bayi ba Akinyi
Author - Lawrence A. Konjuro
Adaptation - Edith Sikota Habwanda
Illustration - Vusi Malindi
Language - ChiTonga
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
