Malumo na umutondo waafwa
Eunice Mukonde-Mulenga and Mwanza Nakawala
Emily Berg
Paatile akantu, kwali umwaume uyo baleeita Malumo. Alikwete ing'ombe. Cila bushiku aalelisha ing'ombe yakwe ifyakulya.
Kabili aaleeinwinsha ameenshi, lelo akwetefye umutondo wameenshi uunoono.
Eico aalile ku mwina mupalamano wakwe kukwashima umutondo wa meenshi uukalamba.
Umwina mupalamano aalimupeele umutondo wameenshi uwakuliishe pali yonse elyo aatile, "Amaafya ya mwina mupalamano naine wine maafya yandi."
Ilyo paapitile inshiku shinoono, Malumo aaile kuli kabumba wa mitondo. Aashitile noomutondo uunoono.
Aabiika na mukati kamutondo uukalamba uo ayashime kubeena mwina mupalamano wakwe.
Aabiikile umutondo uukalamba pamutwe ninshi mukati nabikamo umutondo uunoono.
Elyo aile ku mwina mupalamano uwa mwashimishe umutondo.
Malumo atile, "Naabwesha umutondo wenu, naukwata umutondo ubiye."
Umwaina mupalamano calimupapusha ukumfwa ukuti umutondo naukwata umutondo ubiye. Atashishe Malumo aati, "Ing'anda yoobe yalipaalwa."
Panuma yanshiku shakupenda, Malumo abwelele ku mwina mupalamano wakwe mukwashima umutondo kabili.
Amapange akwete yakukana bwesha umutondo.
Umwine wamutondo aaleelolela Malumo ukubwesha umutondo wakwe.
Aasukile aya kung'anda yakwa Malumo nookutila, "Naisa mukusenda umutondo wandi."
Malumo alyebele umwina mupalamano wakwe ati, "We munandi umutondo obe naufwa. Naciba munshila yakwisa kweba imbila ya bulanda."
Abeena mupalamano bakwe baatotele mulupu kukupapa. Baafulilwe cibi.
Elyo bapaatiile Malumo abati, "Nshatala umfwapo uko umutondo ufwa."
Malumo ayaswike ati, "Mune suminafye ukuti naficitika. Fyonse ifikwata abaana filafwa. Naine wine kwena nacumfwa ububi pamfwa ya mutondo uukalamba."
Umwina mupalamano wakwe aalifulilwe saana na ukutwala Malumo ku cilye ca milandu. Bakapingula bamilandu baakutike kufyo bonse babili baalondolwele.
Baasangile ukuti abeene bamutondo ebaali neecilubo. Bapingwile ukuti Malumo asunge umutondo waafwa.
"Ilyo Malumo aatile umutondo naukwata umutondo ubiye waalisumiine. Ilyo atiile ica mweo conse icikwata abaana cilafwa, naalungika."
Efyo bakapingula baaputwile umulandu.
Abeena mupalamano bakwa Mulamo baile baleeikula pakwenda ngeenkola.
Efyo Mulamo aasendele umutondo uukalamba mubucenjeshi bwakwe.
You are free to download, copy, translate or adapt this story and use the illustrations as long as you attribute in the following way:
Malumo na umutondo waafwa
Author - Peter Kisakye
Adaptation - Eunice Mukonde-Mulenga and Mwanza Nakawala
Illustration - Emily Berg
Language - IciBemba
Level - Longer paragraphs
© Text: Uganda Community Libraries Association (Ugcla) Artwork: African Storybook Initiative 2015
Creative Commons: Attribution 4.0
Source www.africanstorybook.org
Original source http://ugcla.org
