African Storybook - U ya ḓoroboni khulwane

U ya ḓoroboni khulwane

Doris Manyamalala and Tshedza Tlhako

Brian Wambi

Hu na vhathu vhanzhi vhuimabisi ḓoroboni ine nda dzula khayo.

Mutshimbidzi wa bisi o huwelela a ri, "I khou ya ḓoroboni khulwane! I ḓo takuwa zwino!"

Vhathu vho sukumedzana uri vha ṋamele bisi.

Vhafumakadzi vha re na vhana vho vha vho dzula fhasi.

Lwendo lwo vha lu tshi ḓo vha lulapfu.

Nṋe ndo dzula tsini na fasiṱere tsini na vhaṅwe munna.

Ndo humbula uri, "Ndi khou ya ḓoroboni khulwane! Ndi ḓo ṱuvha hayani."

Ho vha hu na vharengisi vhanzhi vhane vha khou rengisa zwithu zwavho.

Vhaṅwe vhaṋameli vha bisi vho renga zwithu.

Ndo vha ndi si na tshelede ya u renga na tshithu na tshithihi.

Ndo vha ndi si na tshelede ya u renga na tshithu na tshithihi.

Vharengisi vho sukumedzana u itela uri vha tse bisini.

Ndo ḓivhudzisa uri, "Ndi ḓo vhuya lini?"

Ho vha hu tshi khou fhisa bisini.

Ndo mbo ḓi bonya maṱo.

Ndo vha ndi tshi khou humbula mme anga na murathu wanga vho salaho hayani.

Nga zwiṱuku nga zwiṱuku, khofhe dza mbo ḓi fara.

Nga murahu ha awara nnzhi, ndo mbo ḓi karuwa.

Vhathu vhanzhi vho vha vho no tsa.

Ho vha hu tshifhinga tshau wana nnḓu ya malume anga.

You are free to download, copy, translate or adapt this story and use the illustrations as long as you attribute in the following way:

U ya ḓoroboni khulwane

Author - Lesley Koyi and Ursula Nafula
Translation - Doris Manyamalala and Tshedza Tlhako
Illustration - Brian Wambi
Language - Tshivenḓa
Level - First sentences