Gʊlǝma n'akʊná
Salimatou Bababody
Salim Kasamba
Pǝ̂rǝ ma ! Arà !
Ampǝrǝ n ce atɩ ri ɩkʊna baŋkulo. Ba ɖa ba ɖa ma ni, ʊto k'a nyɩ na. Gatǝna gaɖe ga kʊ.
Ʊshilé ɖǝn na akʊná ɖǝn a ta na ce atɩ yɛɛ bʊto n'ʊjɩʊ.
...naa ace atɩ kpa Atuguɖoni aŋǝ ɩyupi tuutuuma.
A jɩ ɩyupi atɩ gʊlɔ, ama abaja baɖe ba ɖa nɩ ʊsana.
N'akʊná a sara gasana galamaka naa akɔɔ kɔɔ apɩ atɩ wʊɖa abaja.
Ba ŋǝ nɩ ma, n'ɩ san na pɩ.
Na ba taba nɩ wàà : « Ŋka na ʊ ŋǝ ɩyupi ɩsoŋsono nnɖe ? »
N'akʊná a lǝ pɩ wàà : « N tǝ ma tɩ́ cê n'anyɩn kaaɖu. »
Ba kpa ŋkǝŋ naa aŋǝ gǝŋ ma, n'ɩkʊna baɖe bɩcine ɩ kǝr. Ba sɔlɔ wàà, ba lâl Atuguɖoni tam aŋunii.
Ama Atuguɖoni kɩkʊna ba tɩ lee shika wàà, ...
...ba pàá pɩ̂ atɩ jɩ bɩyupi aɖur na.
N'Atuguɖoni kɩkʊna ba ce atɩ na kǝ ɩkʊna baɖe.
Na kʊŋono ɖǝn a lǝ wàà : « Mʊ laŋ na gɩ na kǝ atǝbawor ? Ɩyupi ɩɖe ɖa tuutuuma. »
Na ba ŋǝ wàà, ɩjá nɩ. N'ɩkʊna ba rǝŋǝ na bawor wàà, ba tǝ ba mân aɖa fɛɛ.
Ampǝrǝ kɩɩja na kɩsǝi nɩ gǝŋ.
Ce livre a été traduit et publié par l'équipe anii de SIL à Bassila. Pour plus d'informations sur le projet anii et d'autres publications en langue anii, contactez-nous :
www.revue-gugu.org
+229 66 66 11 11
Téléphone et WhatsApp
L'équipe anii salue l'équipe de AfricanStoryBook et les remercie pour leur générosité et pour la licence de CC BY.
Mbʊpá njala nnɖe n tɩ lǝ atʊ ɖaa akʊná ɖǝn a ce ʊjɩʊyɛɛka ma.
You are free to download, copy, translate or adapt this story and use the illustrations as long as you attribute in the following way:
Gʊlǝma n'akʊná
Author - Alice Edui
Adaptation - Salimatou Bababody
Illustration - Salim Kasamba
Language - Anii
Level - First sentences
© African Storybook Initiative 2016
Creative Commons: Attribution 4.0
Source www.africanstorybook.org
