Insoka Isha Mumpanga
Caroline Chimba
Rob Owen
IciBemba
Umushi wa Malela walishingulukwa neempili. Insoka ishingi shikala mumpanga mumpili. Insoka iikulu baleeita ati Ulusato. Insoka iyi yaletinya
saana abantu abamumushi kabili yaaleelya Imbushi na Impaanga.
Ubushiku bumo, Mutale,
Mutinta na Mabvuto baile mukuteeba inkuni. Banakulu wabakashana aba baalibebele ukuti baleecenjela ne nsoka ya Ulusato.
"Mwikasenda icintu cimbi mumpanga. Mukateebefye nkuni." Nomba, Mutinta eka takonkele ifunde lya banakulu.
Abakashana baalisendele umukaka,
inkonde, ifyumbu namenshi. Baalisendele intambo napanga iyatwa iyakuputwilako inkuni. Abo batampa
noobulendo ubwakuya mumpanga
Mulwendo lwabo, baleeshimika
nookuseka. Umukalamba wabo, Mutale, alibatalalike, "Twafika umwikala Ulusato."
Mabvuto aiitile bambi,
"Moneni ameeno yakwa Ulusato ayagolide. "Natuyasende."    Mutale
abeebukishe ifyo banakulu babeebele ukutila beekasenda cintu nangu cimo
kanofyee nkuni."
Mutinta atile, "NshabacetekeIa
bamama. Tabaleefwaya fye ukutila tusende
ifintu ifyo tuleefwaya. Baalikwata umufimbila. Nalaasenda ameeno ayagolide." Bamunyina baalisakamana saana. "Mutinta, natukusoka," efyalandile bamunyina. Mutinta tapooseleko amano.
Panshita iine, Ulusato
aalishile mukufwaya ameeno yakwe. Aaliikalipe pantu tayasangile ameeno yakwe ayagolide. Ulusato, yaumfwile abakashana baleelanda nookuseka. Yafiseme mulibwe kumbali yamusebo uwo abakashana baali nookubomfya
Abakashana balisendele inkuni
pamitwe. Munshita iinoono, baumfwile icatiile, "Shhhhh!" Abakashana balitiinine nookwesha ukufisama.
   Ulusato aishile
naasama naipekanya ukusuma.
Mutale aalimbile bwino
bwino. Na Mabvuto aalimbile ulwimbo
Uwakulekelesha aali Mutinta.
Aaliselela kunuma pantu aalitinine. Atampile ukwiimba. Nomba imimbile yakwe yalibipile namashiwi fye yali ayabipa. Ulusato alikalipe saana. "Ninshi tauleimbila nga bambi?" Insoka yalishibe ukutila Mutinta ewasendele ameeno ayangolide.
Ulusato aalimina Mutinta.
Bamunyina babutukile kumushi nookuyaeba abantu bamumushi icacitike
You are free to download, copy, translate or adapt this story and use the illustrations as long as you attribute in the following way:
Insoka Isha Mumpanga
Author - Joseph Sanchez Nadimo
Adaptation - Caroline Chimba
Illustration - Rob Owen
Language - IciBemba
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org