Asambizi Anyakinyi
Pilirani Kamanga and Winfred Mkochi
Vusi Malindi
Yaŵa mbasambizi ŵangu.
Zina lawu mbaAnyakinyi.
Atitiyanja ukongwa.
Asambizi Anyakinyi atitisambiza malembu.
Atitisambiza mavawelu.
Ndiziŵa malembu nge a, e, i, o, u.
Asambizi Anyakinyi atitisambiza makalala.
Ndiziŵa chiyera, chabulu, chagilini, chantcheti, ndi chifipa.
Panyengu yakugone, Asambizi Anyakinyi atitimbiya sumu kuti tigoni.
Atitimbiya sumu zakutipembeleza.
Sumu zaki atumba viyo:
Lululu, mwana waliya
Lululu, waliya anyina
Gona mwana, leka kuliya
Ndikumbiyengi kasumu kakunozya.
Asambizi Anyakinyi aziŵa nthanu zinandi.
Zuŵa lelosi atitinene nthanu yifya.
Pa Mandi, atitinene nthanu za anthulumi akutchuka.
Pachiŵi, atitinene nthanu za anyinafwi akutchuka.
Pa Chitatu, atitinene nthanu za mitundu ya mendelu.
Pa Chinayi, atitikambiya nthanu za ulimi.
Pa Chinkhodi, nasi taŵana tikambiya kilasi losi nthanu zidu ndi zidu.
Palivi so wakuphala asambizi ŵidu pachalu chosi chapasi!
Asani ndakuwa, ndikhumba ndizije musambizi nge Asambizi Anyakinyi.
You are free to download, copy, translate or adapt this story and use the illustrations as long as you attribute in the following way:
Asambizi Anyakinyi
Author - Lawrence A. Konjuro
Translation - Pilirani Kamanga and Winfred Mkochi
Illustration - Vusi Malindi
Language - Chitonga (Malawi)
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
