Kungani Ajao angazange angcwatjwe
Mduduzi Benjie Shongwe
Jesse Breytenbach
Ajao lilulwane, bekalele endlini yakhe agula kakhulu.
Bekute muntfu lomnakako.
Bomakhelwane batsi, "Ajao ufile. Kufanele sibite tihlobo takhe kute tite titomngcwaba."
Bahamba bayobita tinyoni batsi, "Sihlobo senu sifile."
Tinyoni tefika tase tibona kutsi ngu Ajao.
Tatsi, "Lesilwane asisiyo incenye yemndeni wetfu."
"Bonkhe emndenini wetfu banetinsiba kepha Ajao ute. Akasuye lomunye wetfu."
Tinyoni tahamba.
Bomakhelwane babonisana.
Bavumelana, "Tinyoni ticinisile. Ajao ute tinsiba. Ngako, akasiso sihlobo sato."
Lomunye wabo watsi, "Kufanele kutsi ungumndeni wemagundvwane ngobe ufanana nawo."
Bahamba bayobita emagundvwane batsi, "Lomunye wemndeni wenu ufile."
Emagundvwane efika ase abona kutsi ngu Ajao.
Atsi, "Lesilwane asisiyo incenye yemndeni wetfu."
"Bonkhe emndenini wetfu banemsila. Ajao ute umsila."
Emagundvwane ahamba.
Kute tihlobo ta Ajao letatfolakala futsi akazange angcwatjwe.
You are free to download, copy, translate or adapt this story and use the illustrations as long as you attribute in the following way:
Kungani Ajao angazange angcwatjwe
Author - Taiwo Ẹhinẹni
Translation - Mduduzi Benjie Shongwe
Illustration - Jesse Breytenbach
Language - Siswati
Level - First sentences
© African Storybook Initiative 2016
Creative Commons: Attribution 4.0
Source www.africanstorybook.org
