Udoon Ishima
Terkule Aorabee
Brian Wambi
Orgen man kwase na ve mar mbayev nomso ateratar man wan u kwase môm.
Wankwase la iti na er Natabo. Mbamaren nav soo un hemba mba nomso mbera.
Mbamaren nav na un iyua i wantye u kiriki.
Natabo soo wantye la dedoo.
Hanmô shie a numben a min.
Iyange i gen yô aningbanev mba Natabo hembe wantye la sha aaikyôr. A hembe avuravur je.
Lan anigbianev nav ishima. Ve chia zaiyol. Ve kura atsenge na la ve za tsenda shin toho.
Natabo ker wantye na kpa kera zua a min ga. Ishima vihi un kpishi. A vaa shi a venda u yan kwaghyan kpaa.
A zamber mbamaren nav kua anigbianev nav er ve kereun wantye na, kpa or zua a min ga.
Ishima hemba vihin a vihi Natabo. A yevese a tume toho a nyôr ken ikyô.
A za unde sha gôgôkon u hemban taven ken ikyô la.
Mbamaren mba Natabo ker un zanzan.
Mba za zough a na yô, ve kaa a na er a hungwa. A venda. Ve kimbir zamber, kpa shi venda.
Anigbianev mba Natabo zua heregh wa un icam sha zamber er a hungwa.
Icam shon er, "Wan masetyô wase, hungwa se yem ken ya. Se nau wantye u he."
Natabo gema lu nahan ve tar.
A lu kaven a kav anigbianev nav, "Nyônyô-nyônyô, nyônyô-nyônyô. Nyônyô-nyônyô, nyônyô-nyônyô!"
Huror u Natabo va her va gba kumbur Natabo er a hungwa.
A wa icam er, "Ikyarem hungwa va se yem ken ya. Se za nau wantye u he."
Natabo hii u hungwan sha kon teghelee teghelee.
Huror na za hemen a icam zanzan Natabo ar shin nya.
Natabo kuve ikyar na.
Ve zende kule kule ve za nyôr ken ya u Natabo.
Anigbianev mba Natabo man mbamaren nav ember zum mbayevkasev mbera hide yô.
Tsombur la er iniongu. Ahuraior kpishi man mbawandor zua.
Shi saan Natabo iyol a wantye na u he kpaa.
You are free to download, copy, translate or adapt this story and use the illustrations as long as you attribute in the following way:
Udoon Ishima
Author - Ritah Katetemera
Translation - Terkule Aorabee
Illustration - Brian Wambi
Language - Tiv
Level - First paragraphs
© African Storybook Initiative 2016
Creative Commons: Attribution 4.0
Source www.africanstorybook.org
