Ndi nga mini Ajao a songo vhulungwa?
Ndivhuho Mutsila
Jesse Breytenbach
Ajao, mulemalema, o eḓela nḓuni yawe ngauri u khou lwala. Ha na muongi.
Vhahura vha ri, "Ajao o lovha. Ri tea u vhidza mashaka awe vha ḓe vha mu vhulunge."
Vhahura vha bva vha ya u vhudza zwiṋoni vha ri, "Shaka ḽaṋu ḽo lovha."
Zwiṋoni zwa mbo swika zwa wana uri mufu ndi Ajao. Zwa ri, "Hei phukha a si muṅwe washu."
"Mashaka ashu oṱhe a na mabesu na mithenga fhedzi Ajao ha na. Zwino a si shaka ḽashu."
Zwiṋoni zwa mbo ḓi huma.
Vhahura vha eletshedzana.
Vha tendelana, "Zwiṋoni zwi khou amba ngoho. Ajao ha na mabesu na mithenga. Zwino a si shaka ḽazwo."
Muṅwe wavho a ri, "A nga vha e shaka ḽa mbevha. U fana nadzo."
Vhahura vha ṱuwa vha ya vha amba na mbevha vha ri, "Shaka ḽaṋu ḽo lovha."
Mbevha dza mbo swika dza wana uri mufu ndi Ajao. Dza ri, "Hei phukha a si muṅwe washu."
"Mashaka ashu oṱhe a na mitshila. Ajao ha na."
Mbevha dza mbo ḓi huma.
Zwo konḓa u wana mashaka a Ajo lwe a fhedza a songo vhungiwa.
You are free to download, copy, translate or adapt this story and use the illustrations as long as you attribute in the following way:
Ndi nga mini Ajao a songo vhulungwa?
Author - Taiwo Ẹhinẹni
Translation - Ndivhuho Mutsila
Illustration - Jesse Breytenbach
Language - Tshivenḓa
Level - First sentences
© African Storybook Initiative 2016
Creative Commons: Attribution 4.0
Source www.africanstorybook.org
