African Storybook - Hikokwalaho ka yini Andzani a nga lahliwi

Hikokwalaho ka yini Andzani a nga lahliwi

Arnold Mushwana

Jesse Breytenbach

Andzani i mangadyana. U tlele ekaya ka yena hikuva wa vabya. A ku na loyi a n'wi hlayisaka.

Andzani se u lovile.

Vamakhelwana va ku, "Andzani u lovile. Hi fanele ku vitana maxaka ma yena leswaku ma ta n'wi lahla."

Vamakhekwana va ya eka swinyanyana va ku, "Xaka
ra n'wina ri lovile."

Swinyanyana swi khitikana swi ya eka Andzani. Loko swi fika swi ku, "Loyi a hi un'wana wa hina. Mangadyana a nga weli kona eka ntlawa wa swinyanyana."

"Ntlawa wa hina wa swinyanyana wu na tinsiva, loyi a nga na tona tinsiva. A hi un'wana wa hina loyi." Swinyanyana swi famba.

Vamakhelwana va tlhela va ehleketa nakambe. Ivi va ku, "Swinyanyana swi vula ntiyiso. Andzani a nga na tona tinsiva. Swi vula leswaku a hi maxaka ma yena."

Un'wana wa vona a ku, "U fanele a wela eka ntlawa wa makondlo. U yelana swinene na wona."

Makondlo ma vitaniwile ku ta vona Andzani. Ma ta ma karhi ma ku, "Un'wana wa hina u lovile."

Loko ma fika na mona ma ku, "Loyi a hi un'wana wa hina."

"Un'wana na un'wana wa hina u na ncila. Andzani u hava ncila. Makondlo ma famba.

Ku hava xaka ra Andzani leri nga kumeka. U tshamise sweswo a nga lahliwi.

You are free to download, copy, translate or adapt this story and use the illustrations as long as you attribute in the following way:

Hikokwalaho ka yini Andzani a nga lahliwi

Author - Taiwo Ẹhinẹni
Translation - Arnold Mushwana
Illustration - Jesse Breytenbach
Language - Xitsonga
Level - First sentences