P'aka a Charo
Titus Kazungu
Marleen Visser and Wiehan de Jager
Charo anahendza p'aka.
Ko nyumbani kwakwe kuna p'aka anji.
Charo ana p'aka mwiru.
P'aka yuyu anarya nyama nyinji zhomu.
Charo ana p'aka wa kitumbotumbo.
P'aka yuyu anarya kila kit'u.
P'aka wa hahu, anakwera dzulu za muhi.
P'aka yuyu anashindwa kuthima.
Charo anakwera dzulu za muhi. Anakwama kuko na p'aka wa hahu.
Mameye Charo ana aviza kuthima kula ko dzulu za muhi.
Charo ana p'aka airi akaha.
P'aka aa manaoha dzuwa siku yosi.
Charo ana p'aka ahahu mario mana chadi.
P'aka aa managwira panya jikoni kila usiku.
Charo ana k'uro mumwenga. K'uro yuyu anaifwa Ndokolani.
Ndokolani k'ana asena. K'ana raha bule.
P'aka a Charo k'amamwendzi Ndokolani.
Manamuinga kula ko nyumbani.
Ndokolani anavura malo.
Charo anamupata Ndokolani na kumudzya mudzini.
P'aka osi kamana raha.
K'amendzi kumona Ndokolani kaheri.
Yuno Charo ana p'aka angahi?
Ana p'aka anane.
Yuno Charo ana k'uro angahi?
Ana k'uro mumwenga.
Yuno Ndokolani a hiko vino?
We una p'aka angahi ko mudzini kwenu?
Una k'uro angahi ko mudzini kwenu?
You are free to download, copy, translate or adapt this story and use the illustrations as long as you attribute in the following way:
P'aka a Charo
Author - Khothatso Ranoosi and Marion Drew
Translation - Titus Kazungu
Illustration - Marleen Visser and Wiehan de Jager
Language - KiGiryama
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
Original source http://paleng.weebly.com/.
