Nyo Esikiria etoil aloapolon akidwang Aparas
Moses Etiir
Salim Kasamba
"Ikakoku, bwa atoswama akitab na poyo," tolim itiekeng.
Kolong ang'orot, Aparas ka Esikiria eboyete kaapei. Asubete etich daang kaapei.
Akwaar na esinyoi, totwan idia Aparas.
Abu kiyalolong kigor nabo kigor. Kititinyikis ng'esi ng'ikidunyet keng.
Abu ng'esi torotok ng'aren igoro. Abu lokatokeng ka lopaekeng Esikiria kining'okisi akisililing ng'esi.
"Nyigoro ekile etoil. Elakakini ng'akiyo ililing'i," tolimok Esikiria.
Akwaar na akinuk, abu Aparas kikalou na etamaria idia keng nia atwani.
Tokienyik Esikiria ng'esi tama, "Nyigoro ekile etoil."
Isililing'i Esikiria Aparas na ikalounio, "Hii, hii, hii." Isitamuni Aparas kigor kona, "Hmm, hmm, hmm."
Torotokis nu ng'aren aurianut, tanang nia anukere idia Aparas.
Alunyaret ang'ilapio ang'iarei, abu idia Esikiria nipei totwan.
Apotu ng'ikidunyet tochunakin arekin akinuk idia ng'ini. Ayei lokatokeng Esikiria ka lopaekeng, Aparas, neni akititinyikin ng'esi.
Na ekalounio Esikiria etoil, tolimok ng'esi Aparas atamar totitinyik. Kisitamu ng'esi atamar nyigoro ekile etoil, nakaneni igoro kona, "Hmm, hmm, hmm."
Torotok Esikiria ng'aren igoro kotere amina idia keng nipei lokojokon.
Abu nabo kikalou etoil aloapolon, "Hii hoo! Hii hoo! Hii hoo!" Ng'esi atamar, "Apipileketa noi! Noi! Noi!"
"Nakaneni ng'esi igoror Esikiria etoil aloapolon akidwang Aparas," tolimok itiekeng anarumoret apoyo.
You are free to download, copy, translate or adapt this story and use the illustrations as long as you attribute in the following way:
Nyo Esikiria etoil aloapolon akidwang Aparas
Author - Mohammed Iddrisu, Sadia Baba and Tia Illiasu
Translation - Moses Etiir
Illustration - Salim Kasamba
Language - Ng’aturkana
Level - First paragraphs
© African Storybook Initiative 2017
Creative Commons: Attribution 4.0
Source www.africanstorybook.org
