Gobaneng Ajao a sa bolokwa
Connie Makgabo
Jesse Breytenbach
Ajao, wa mankgagane o robetše ka ntlong o lwala kudu. Go be go se na yo a mo hlokomelago.
Baagišane ba gagwe ba re, "Ajao o hwile. Re swanetše go bitša meloko ya gabo ba tlo mmoloka."
Baagišane ba yo bitša dinonyana ba re, "Yo mongwe wa meloko yeno o hwile."
Dinonyana tša tla tša humana gore ke Ajao. Tša re, "Nonyana ye ga se ya leloko la gaborena."
"Ka moka ba leloko la rena ba na le mafofa fela Ajao ga a na ona. Ka gona ga se yo mongwe wa rena." Dinonyana tša tloga.
Baagišane ba neelana mabaka. Ba kwana, "Dinonyana di nepile. Ajao ga a na mafofa. Ka go realo, ga se wa leloko la tšona."
Yo mongwe wa bona a re: "O swanetše go ba wa leloko la magotlo. O lebega bjalo ka ona."
Baagišane ba bitša magotlo ba re, "Yo mongwe wa leloko la gabo lena o hwile."
Magotlo a fihlile gomme a hwetša gore ke Ajao. A re, "Phoofolo ye ga se ya leloko la rena."
"Yo mongwe le yo mongwe lelokong la rena o na le mosela." Magotlo a boela morago.
Ga se gwa hwetšwa leloko la Ajao gomme a dula a sa bolokwa.
You are free to download, copy, translate or adapt this story and use the illustrations as long as you attribute in the following way:
Gobaneng Ajao a sa bolokwa
Author - Taiwo Ẹhinẹni
Translation - Connie Makgabo
Illustration - Jesse Breytenbach
Language - Sepedi
Level - First sentences
© African Storybook Initiative 2016
Creative Commons: Attribution 4.0
Source www.africanstorybook.org
