Byantaka noomutondo waafwa
Eunice Mukonde-Mulenga
Emily Berg
Paatile akantu, kwali umwaume uyo baleeita Byantaka. Aalikwete ing'ombe. Cila bushiku aaleeliisha ing'ombe umulemfwe. Aaleeinwisha ameenshi nicofye aakwete umutondo wameenshi uunoono.
Efyo aaile ku beena mupalamano bakwe kukwashima umutondo uukulu uwa meenshi. Abeena mupalamano baamwashiime umutondo wameenshi uwakuliishe pali yonse elyo baatile, "Amaafya yoobe yandi naine wine we mwina mupalamano wandi."
Ilyo paapitile inshiku shinoono, Byantaka aaile kuli kapanga wa mitondo. Aashitile noomutondo uunoono.Aabiika na mukati kamutondo uukalamba uo aashime kubeena mupalamano baakwe.
Aabiikile umutondo uukalamba pamutwe ninshi mukati muli uunoono. Elyo aile kubeena mupalamano abamwashime umutondo.
Byantaka aabeebele ati, "Naabwesha umutondo wenu, naukwata umutondo ubiye." Abeena mupalamano calibapapusha ukumfwa ukuti umutondo naukwata umutondo ubiye. Baatashishe Byantaka abati, "Ing'anda yoobe yaalipaalwa."
Panuma yanshiku shakupenda, Byantaka abwelele ku beena mupalamano bakwe mukwashima umutondo kabili. Amapange akwete yakukana bwesha umutondo.
Abeene bamutondo baaleelolela Byantaka ukubwesha umutondo waabo. Baasukile baaya kung'anda yakwa Byantaka nookutiila, "Naisa mukusenda umutondo wandi."
Byantaka aaebele abeena mupalamano bakwe ati, "We munandi umutodo obe naufwa. Naciba munshila yakwisa kweba imbila ya bulanda."
Abeena mupalamano bakwe baatotele mulupi kukupapa. Baafulilwe cibi. Elyo bapaatiile Byantaka abati, "Nshatala umfwapo uko umutondo ufwa."
Byantaka ayaswike ati, "Mune suminafye ukuti naficitika.Fyonse ifikwata abaana filafwa. Naine wine kwena nacumfwa ububi pamfwa ya mutondo uukalamba."
Abeena mupalamano bakwe baalifulilwe saana icakuti baatwele Byantaka kucilye. Bakapingula bamilandu baakutike ku fyo bonse babili baalondolwele. Baasangile ukuti abeene bamutondo ebaali neecilubo. Bapingwile ukuti Byantaka asunge umutondo waafwa.
"Ilyo Byantaka aatiile umutondo naukwata umutondo ubiye waalisumiine. Ilyo atiile ica mweo conse icikwata abaana cilafwa, naalungika." Efyo bakapingula baaputwile umulandu.
Abeena mupalamano bakwa Byantaka baile baleeikula pakwenda ngeenkola. Efyo Byantaka aasendele umutondo uukalamba mubucenjeshi bwakwe.
You are free to download, copy, translate or adapt this story and use the illustrations as long as you attribute in the following way:
Byantaka noomutondo waafwa
Author - Peter Kisakye
Translation - Eunice Mukonde-Mulenga, Mwanza Nakawala and Mwanza Nakawala
Illustration - Emily Berg
Language - IciBemba
Level - First paragraphs
© Text: Uganda Community Libraries Association (Ugcla) Artwork: African Storybook Initiative 2015
Creative Commons: Attribution 4.0
Source www.africanstorybook.org
Original source http://ugcla.org
