Luhambo loluya edolobheni
Michelle Longwe
Brian Wambi
Lapho kuma khona emabhasi bekugcwele bantfu.
Umholeli wamemeta watsi, "Siya edolobheni! Siyahamba nyalo!"
Bantfu bafucana bangena ebhasini.
Bomake labaphetse bantfwana bahlala phasi.
Luhambo belutakuba ludze.
Ngahlala edvutane nelifasitelo, eceleni kwalomunye babe.
Ngacabanga kutsi njengoba ngiya edolobheni ngitokhumbula ekhaya.
Bekugcwele bantfu labatsengisa tintfo letehlukene.
Labanye bagibeli batsenga tintfo kepha mine bengite imali yekutsenga.
Umshayeli welibhasi wakhalisa insimbi, bese kusikhatsi sekuhamba.
Batsengisi bafucana bafuna kuphuma ebhasini.
"Ngitobuya nini?" ngatibuta lombuto.
Bekushisa ebhasini ngase ngivala emehlo ami.
Ngacabanga ngamake nemnaketfu labe ngibashiye ekhaya.
Ngekuhamba kwesikhatsi ngatumeka ngalala.
Ngemuva kwema-awa lamanyenti ngavuka.
Bantfu labanyenti bese behlile.
Bese kusikhatsi sekutsi ngitfole indlu yamalume.
You are free to download, copy, translate or adapt this story and use the illustrations as long as you attribute in the following way:
Luhambo loluya edolobheni
Author - Lesley Koyi and Ursula Nafula
Translation - Michelle Longwe
Illustration - Brian Wambi
Language - Siswati
Level - First words
© African Storybook Initiative 2015
Creative Commons: Attribution 4.0
Source www.africanstorybook.org
