Dikatse tša Selemeng
Dikeledi Queen Shai
Marleen Visser and Wiehan de Jager
Selemeng o rata dikatse.
Go na le dikatse tše ntši ka ga gabo.
Selemeng o na le katse e tee ye ntsho.
Katse ye e ja nama ye ntši.
Selemeng o na le katse e tee ya go nona.
Katse ye e ja dilo ka moka. E ja le dikherote.
Katse ya boraro e nametše mohlare.
Katse ye ga e sa kgona go fologa.
Selemeng o namela mohlare go yo phološa katse ya gagwe.
Le yena o palelwa ke go fologa le katse ya gagwe ya boraro.
MmagoSelemeng o swanetše go ba thuša gore ba fologe mohlare.
Selemeng o na le dikatse tše pedi tša go tšwafa.
Di robala ka ntle tša orela letšatši mosegare ka moka.
Selemeng o na le dikatse tše pedi tša go šoma kudu.
Di swara magotlo ka moraleng bošego ka moka.
Selemeng o na le mpša e tee. Leina la mpša ya gagwe ke Lirafi.
Lirafi ga e na bagwera. Seo se a mo nyamiša.
Dikatse tša Selemeng ga di rate Lirafi. Dikatse di hloriša Lirafi ebile di e raka ka ntlong.
Lirafi e bona bokaone e le go di šuthelela e tšhabe.
Selemeng o ile a nyaka Lirafi gomme a e tliša ka gae.
Dikatse ga se tša thabišwa ke go bona Selemeng a tšwelela le Lirafi.
Ga di nyake go bona Lirafi ka mo ntlong.
Na Selemeng o na le dikatse tše kae?
O na le dikatse tše seswai.
Na Selemeng o na le dimpša tše kae?
O na le mpša e tee.
Na Lirafi e kae gabjale?
Na go na le dikatse tše kae ka gageno?
Na dimpša tšona le na le tše kae ka gae?
You are free to download, copy, translate or adapt this story and use the illustrations as long as you attribute in the following way:
Dikatse tša Selemeng
Author - Khothatso Ranoosi and Marion Drew
Translation - Dikeledi Queen Shai
Illustration - Marleen Visser and Wiehan de Jager
Language - Sepedi
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source http://paleng.weebly.com/.
