Moota Njahoowa Luumo
Kulsumi Iisa
Mango Tree
Moota mawnga ngoota tan yaltata wuro Buuba'en. Mawnga! Ciwɗiwa!
Nden boo e nga iida soosey.
Inna Buuba wiʼi, "Jaango en njahay luumo. En cooday limse janngirde maaɗa."
Buuba nanii belɗum, ngam ɓe nastay moota mawnga ciwɗiwa. O ɗaanaaki jemmaare nden.
Ko inna maako yahi finndingomo, Buuba artii taskake.
Buuba e inna mum njahi to yimɓe ndeenata moota mawnga. Ɓe ndeeni moota mawnga ciwɗiwa. Ammaa nga waraayi.
Yimɓe feere maa ngari babal to moota hoosataɓe. E ɓe ƴamƴamtira ngam moota ngan jenngi. Ɓe ƴami, "Toye moota ngan?"
Buuba suklake numi, "Min keɓataa yahugo luumo hannde. Mi heɓataa limse janngirde."
Woɓɓe comi kooti. Buuba woyii, mo yiɗaa hootugo. Inna maako wi'i, "En ndeenu seɗɗa."
Ɗon e ɗon ɓe nani iido moota. Ɓe ngiʼi sollaare e ummoo. Ndaa moota mawnga e wara!
Ammaa moota ngan naaʼ ɗum ciwɗiwa, naaʼ ɗum mawnga. Ɗum moota mboɗewa pamara. Yimɓe ngiɗaa nastugonga.
Laanyoowo moota wiʼi bee semmbe, "Nastee! Nastee! Hannde min njennginii naaʼ seɗɗa."
Buuba bee inna muuɗum arti nastugo moota. Ɗon e ɗon koo moye nasti nder moota mboɗewa pamara.
Buuba raari yaasi sey mo yiʼi yimɓe ɗuɗɓe ton to moota hoosata yimɓe.
Woɓɓe e ndogga ngam keɓa nasta moota ngan. Ammaa ɓe cakitake. Moota mboɗewa pamara heewi, nga dillii.
Inna Buuba ƴami, "Toye moota mawnga ciwɗiwa?" Laanyoowo nootii wiʼi, "Nga wonnake. E ɓe mbo''inanga. Nga waray jaango."
Buuba wannaaki bee no moota waʼi, nde moota ngan e yaha luumo!
You are free to download, copy, translate or adapt this story and use the illustrations as long as you attribute in the following way:
Moota Njahoowa Luumo
Author - Mecelin Kakoro
Translation - Kulsumi Iisa
Illustration - Mango Tree
Language - Fulfulde Mbororoore
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
