African Storybook - Magurub ge ǀnūga ra mā

Magurub ge ǀnūga ra mā

Mattheus Goraseb

Wiehan de Jager

ǀGuian ge ǀguruna ǀnūna ūha tama ge hâi.

Hoan ge ǂhanas ǀguisa gere hî.

Khoen ǀguin ge ǀnūna ge ūhâ i, Magurub ge mā nina.

ǀGuitsēb ge Maguruba mâ ǀguru-i hoa-eb nî ǀnūna mā, ti ge mîǀgui, ǃgûn nî ǃkhaisab ge ǂhâba hâ i amaga.

ǁNāsab ge aiga ge mîba ni.

ǀGuiǂâixasen ge ǁîna, "o, kaise nî !gâi ǀnūna ūhâsa," ti ge mî.

ǁȊn ge ǁnae tsî gere ǂnā.

ǂHanas ge kaise ge !gom!gâxa i, tin ge gere ǁgam.

Tsûban ge gere hōǃâ.

Tsēs ge hā, on ge ǂgui ǀguruna Magurub di oms ǁga ge dāǁnâ.

!Garo!naigu, xamn, ǂkhoan, durun, ǁnâregu tsî ǀgui-anin on ge ge mâsaogu.

Mâ ǀgui-i hoa-i ge haka ǀnūga ge māhe.

Xawe ǀgui-anin ge ǀgamkha ge māhe.

ǀNūgan ge hōtoas khao !gâ i ge xū-i hoa-e ge ǀkhara.

ǀNîn ra dâb xa ǂnā, hîan ge nauna gere !khupusen.

!Gû tsîn khoena gere ǁgau.

ǁKhawa da ǂhana tide, tin ge gere ǀgaiaǁgoro.

Tusôab ge ǀuniga ge saogub !nâ mâ i. Ob ge Maguruba ge dî bi, "ǀNî khoe-e sa khao!gâ mâ?" ti.

Ob ge, "Hîî, tita ge a ǀuniga," ti ge !eream.

Ob ge Maguruba gere ǂâi, "O, !gau go ǀnūga ǀkha tare-e ta nî dī, ǁîga ǀunigao?"

Tsîb ge Maguruba !gau ge ǀnūgu hoaga tusôaba ge mā.

"Nēs ǂamab ge kaise ge dâ tsî naun ǂamai ta ge tita !garise nî !gû," ti ge mî.

O xawe tusôab ge oao, ob ge ǀaoba Maguruba ge sari tsî, "Tita ona ǀnūna mā re," ti gere ǀkhoma.

Ob ge Muguruba hoaraga ǀnūna ta ge go māǂui. "Mâpats go hâ i?" ti.

Ob |oaba ra !eream, "ǁOmxūsen ta ge go," timi.

Magurub ge ǁnara isib ganube ǀnūna ūhâsao, i ge ǁaus khamakō-e a ǀkhai.

Magurub ge ǀaoba kōǀî tsî, "ǁGabaǁaegus," ti ge mî. ǀNū-i ǀkhai, ti. ǀAob ge ǀnūose ge gababēsen.

ǁNātsēsa xub ge ǀaob kaixuse ǁom tama hâ. Saogub !nâ mâsab ǂguro mâsab ra ǃâunǀkha amaga.

You are free to download, copy, translate or adapt this story and use the illustrations as long as you attribute in the following way:

Magurub ge ǀnūga ra mā

Author - Mutugi Kamundi
Translation - Mattheus Goraseb
Illustration - Wiehan de Jager
Language - Khoekhoegowab
Level - First paragraphs