Mwichuma Mushiteere Shiomubasu Omululu
Catherine Were
Wiehan de Jager
Oluwanga
Mwichuma ndala eshiteere. Neshiteere shio mubasu mululu mwichuma, mumwesi kwelikhumi nende tsibiri. Buli omundu yali nasinyishe. ''Saka, Odero nende Mukatia, tsie elwanyi mubaye!'' Wandaje yakhuboolera. ''Shebenya mumakulu kanje ta.
Khwerukha nikhurula elwanyi we inzu. ''Khutsie khumwalo," Mukatia naboola, ''Obunyifu buliyo." ''Wandanje yakhukaya okhusoka mumwalo, '' Saka naboola. ''Shikhulasoka tawe, '' nakalusia Mukatia. "Khulabaira busa mushinikha hambi nende amatsi."
Ne okhubaya "nzira okhu koroti, '' no mulimo omutinyu muno. Kata noli hasi wemisala hambi no mwalo.  Khwaranjirira okhurusia efilaro, ne khwali nikhushiulira oluya. Khwalondiakho okhufwalula amashati nende efibungui. Ne khwali nikhushiulira sa oluya."
Khwenjisia efirenje fiefu mumatsi okhunyisia. Ne khutsukhanakho amatsi. Mufise fititi, khwali ni khwakhatora.
"Ooh! Yitse! Khusoche," Odero naboola. "Wandanje shalamanya tawe." Khwasoka khandi nikhusoka ne nikhwibirira efise.
Eliuba lianza okhwikha, nikhuulira omunyiri. ''Tsingubo tsiefu tsibere hena?''.
Khwalinjira hasi wemisala. Khwalinga khubunyasi. Khandi khwalinga buli habundu.
Tsing'ombe tsindi tsiali hambi nende omwalo, nitsiulira obulayi bwo bunulu bwobunyasi. Saka nalinga ekulu. "Lola itwasi ilia! Neshina shili mumunwa kwayo?'' "Ilitsanga eshimuli eshiakhanyu," Mukatia naboola. "Shishili eshimuli eshiakhanyu tawe," Odero niyayula. "Ne lishati lilio.
Nikhulinga itwasi yindi niilitsanga eshindu shifwanana namatsi. ''Shiria neshibunguyi shianje!'' niyayula Saka.
Khwatsia nango mufikhonera fiefu, nikhurenga. Halali eshifune shishiali obunyifu tawe. ''Tsiali tsing'ombe, '' khwalira; '' Tsing'ombe tsilire tsingubo tsiefu.  Ne Wandanje shiyaulira poo? Mubwangu obo, amekhaliro kefu kali katunduma. Ne sifiali firula khumubasu tawe.
You are free to download, copy, translate or adapt this story and use the illustrations as long as you attribute in the following way:
Mwichuma Mushiteere Shiomubasu Omululu
Author - Nombulelo Thabane and Tessa Welch
Translation - Catherine Were
Illustration - Wiehan de Jager
Language - Oluwanga
Level - First paragraphs
© African Storybook Initiative, 2014
Creative Commons: Attribution 4.0
Source www.africanstorybook.org