Nɔ Hewɔ ni Anaaa Afũ Ajao
Aisha Nelson
Jesse Breytenbach
Ajao, aputupata ko, he baye be ko. Ekã hela saa mli yɛ eshia lɛ. Mɔ ko bɛ ni kwɛ enɔ.
Ajao henɔi lɛ kɛɛ, "Ajao egbo. Esa ni wɔyatsɛ ewebii lɛ ni amɛba koni amɛbafũ lɛ."
Henɔi lɛ tee amɛyatsɛ loofɔji lɛ amɛkɛɛ, "Nyɛwekunyo ko egbo."
Loofɔji lɛ ba ni amɛbana akɛ Ajao ni. Amɛkɛɛ, "Kooloo nɛɛ fataaa wɔweku lɛ he."
"Wɔweku nɛɛ mli mɛi fɛɛ yɛ tsɛji. Ajao bɛ eko. Hewɔ lɛ, jeee wɔteŋ mɔ kome ni."
Henɔi lɛ susu sane lɛ he. Amɛkpã gbee amɛkɛɛ, "Loofɔji lɛ asane ja. Ajao bɛ tsɛji. Hewɔ lɛ, jeee amɛwekunyo ji Ajao."
Henɔi lɛ ateŋ mɔ kome kɛɛ, "Ajao baafee obishii lɛ awekunyo. Eje amɛ."
Henɔi lɛ tee amɛyatsɛ obishii lɛ amɛkɛɛ, "Nyɛwekunyo ko egbo."
Obishii lɛ ba ni amɛbana akɛ Ajao ni. Amɛkɛɛ, "Kooloo nɛɛ egbeee wɔweku lɛ yi."
Wɔweku nɛɛ mli mɔ fɛɛ mɔ yɛ lei. Ajao bɛ lei." Obishii lɛ hu tee.
Anaaa mɛi pɔtɛɛ ni ji Ajao webii. Enɛ hewɔ anaaa afũ Ajao lɛ.
You are free to download, copy, translate or adapt this story and use the illustrations as long as you attribute in the following way:
Nɔ Hewɔ ni Anaaa Afũ Ajao
Author - Taiwo Ẹhinẹni
Translation - Aisha Nelson
Illustration - Jesse Breytenbach
Language - Ga
Level - First sentences
© African Storybook Initiative 2016
Creative Commons: Attribution 4.0
Source www.africanstorybook.org
