Mughalikwa oweighali
Alice Gonza and Kyambogo University
Jacob Kono
Ghaliiyo abeighali babiri. Baali basula mu kasisira kalala ni iba ibwe.
Baamala ekiseera kiwanvu nga tibazaala. Oluvainhuma, mukyala mukula yatoola amabunda. Yazaalira mukiseera nga iba azirawo.
Omukazi owokubiri yawulira bubi ku Nakaweere no omwana. yatandhiika okuloghooza ku ngeri eyokwita mughalikwawe yeirize omwami.
Ebiseera ebyo, abantu baali tibafumba mmere. Nga balya mbisi.
Omukazi owokubiri yaakoba, "Nda kufumba emere muwe obutwa". "Yali aikiriza nti emere enfumbe esobola okwita omuntu."
Yafumbira mughalikwawe emere okumala enaku ningi. Mukifo ekyokufa, omukazi yanhiriranga bunhirire olwa emere enfumbe.
Omwami bweyaira, yayagaana omwana, ni mukaziwe omubelye nga aboneka bulungi era nga ni emere enfumbe.
Ekintu ekyokufumba emmere kyeghunisa inho omwami era yaabuuza, "Naani eyakwegesa okufumba!" Omukazi omuto yakuba iba akaama, "Ndi kufumba mpe mughalikwa ghange obutwa."
"Mpulira eighali kuba ali no omwana ate nga nze nzira. Ndoghooza nti oidha kuminga."
Omusaadha yaniiga era yaamulabula, "Lekera agho okuloghooza obubi."
Omwami yayeta bakazibe yaabatabagania.
Bombi baasalawo okufumba emere kuba yababonesanga bulungi. Eyo nengeri emere yeyatandiikibwamu okufumbibwa.
You are free to download, copy, translate or adapt this story and use the illustrations as long as you attribute in the following way:
Mughalikwa oweighali
Author - Mary Narebon
Translation - Alice Gonza and Kyambogo University
Illustration - Jacob Kono
Language - Lusoga
Level - First paragraphs
© African Storybook Initiative 2017
Creative Commons: Attribution 4.0
Source www.africanstorybook.org
