Enkiima eliile omukiira gwaa yo
Racheal Kadondi
Horácio José Cossa
Luuna luumo akamwu kabaire mukwano gwa enkiima.
Luunaku luumo akamwu kakobere, "twaabe okunyonya ekyokulya" enkiima nekiililya, naaye kabeire katego.
Babiire munimiiro ya duuma nebatandika okulya.
Naye akamwu kabaire kagezi kabaire kamalire okutuumula nonanyeere enimiiro, okukwata enkiima omubusiru bwako.
Akamwu omubugezi bwako katandikile okulenkaana nti, "omwibbi! omwibbi! odduma wanyu bamumaliilewo" bwe kamalire nekabuuka nekaabba.
oluvanyuuma abananyere enimiiro bagiire enkiima ngegezako okwiluka. Naye omukiira gwo yo negugikwata.
Abananyere enimiiro bajigoberere, ngabalenkaana, "oyemelere! oyemelere! tukuweyiine, oli nkiima."
Era bwebamukwaite nebatandiika okumukuuba.
Obuluumi bwe bweyongeere nabakoba nti, "nbaire nomukwano gwange akamwu. Era niiye andetele
Abananyeere eniimiro basaalire ko omukiira gwe enkiima nebagikooba nti, "oyabe okobe omukwano gwo nti tusalire ko omukiira gwo!"
Oluvanyuuma babaire omunyumba yakamu nebasumba omukiira gwenkiima okuliibwa. Akamwu kayetere enkiima okulya ekyemisana.
Bwe bamaliire okulya akamwu yabwiire enkiima oba kamaite kyekaliire. Obusiiru bwenkiima yaililemu nti,"tiimaite!"
Akamwu kamukoobere nti eliile omukiira gwayo oluvanyuma neiluka neyabaa. Okuzwa olunaku olwo babeire tibemikwano
You are free to download, copy, translate or adapt this story and use the illustrations as long as you attribute in the following way:
Enkiima eliile omukiira gwaa yo
Author - Mozambican folktale
Translation - Racheal Kadondi
Illustration - Horácio José Cossa
Language - Lugwere
Level - First sentences
© Mozambican Writers 2014
Creative Commons: Attribution 4.0
Source www.africanstorybook.org
