Ekibira kye'Misota
Lilian Lyavaala
Rob Owen
Ekyalo Sinyaire kyali kyetoloirwa nsozi. Emisota mingyi gyali giba mukibira kunsozi edho. Omusota ogwali gusingayo obubba bali bagweta Kiwondho. Kiwondho yatiisanga inho abantu. Gwamiranga embuzi ne ntaama nnamba.
Lwali lulala abaghala basatu, Nabirye, Nabwire nni Namukose bagya mukibira okugherera enku. Dhadha waibwe omukazi yabalabula. Mwegendereze, Kiwondho ogusota ogunene.Timutola kintu kyona kyona mukibira okutolaku enku.'' Nabwire yenka natafwayo kudhadha we kyabakoba.
Abaghala batwala amata. amenvu. embooli na amadhi. Batwala emiguwa okusibisa enku ne ekipanga ekinene okutemese'nku.Awo mbeni bagya mukibira.
Nga bali mungira, abaghala baghaya era nga bwebakwanula. Nabirye, omukulu ku bonsatule, yabakoba, ''Musirike. Tunatera okutuuka Kiwondho ghaba.''
Namukose yayeta baine,'' Mubone, amainho ga Kiwondho agazaabu. Tugatwale.'' Nabwire yabaidhukiza, ''Timwerabira dhadha omukazi atulabwire. Titutwala kintu kyona kyona okuva mukibira okutolaku enku.
Nabwire yakoba, ''Tyesiga dhadha omukazi. Atukobye ekyo kutulobera kufuna betwendha. Nze nendha amainho gazaabu.'' Baganda batandika okwerarikirira, aye Nabwire tiyafwayo.
Mukisera kyene ekyo Kiwondho yaidha nga anaonya mainho gge. Yanigha bweyabona nga talikubona mainho gge. Awo yawulira abaghala bano nga baghaya bwe bakwanula. Yegisa ghansi weibaale kulugudho abaghala bano webali balikugya okubita nga bagolola.
Abaghala bano bali balikugya kka nga betwiise enku. Bali balyawo ngabawulira,''ssssss!''Kiwondho nga ayasaime omunwa gwonagwona, nga yetegeike okuluma. Abaghala batya.
Kiwondho yababuza, '' Ani atwaire amainho gange aga zaabu?'' Ezira yairamu. Kiwondho yasalawo okukema abaghala bano.''Eyeidhi nti azira musango aidha kusobola okwemba obulungi. Aidha kugya eka nenku dhe. Aye alina omusango agyakwemba bubi. Era njakumulya!''
Nabirye neyatandiika okwemba neidhobozi eiwewevu, ''Tininze, tininze, eyatwaire eyatwaire amainho''. Eyagatwaire akali inhuma''. Namukose yena yayemba olwemba. Yena yayemba bulungi.
Olwa Nabwire lwatuuka. Yatya. Yatandiika okwemba. Eidobozi lyali ibi inho era ne'bigambo tibyali nibyo. Kiwondho yalekaana,''Tosebola kwemba bulungi nga abandhi?'' Kiwondho yategera nti Nabwire yali atwaire amainho gge.
Kiwondho yayasama emba dhe enene era yamira Nabiwire. Baganda be balumuka bairayo kukyalo. Bakobere buli muntu ebyali bibairewo. ''Namulabwire, kale singa yawulire,'' dhadha wabaghala bweyakoba nga mweinamivu.
You are free to download, copy, translate or adapt this story and use the illustrations as long as you attribute in the following way:
Ekibira kye'Misota
Author - Joseph Sanchez Nadimo
Translation - Lilian Lyavaala
Illustration - Rob Owen
Language - Lusoga
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org
