African Storybook - Du yeé ŋkàlaʼ ye kuʼùn

Du yeé ŋkàlaʼ ye kuʼùn

Beatrice Tafon Takeh and Mbinkar Emmanuel Keelen

Brian Wambi

Wíri-iì rùn é kirə̀ʼ fo á yii shiy mótù e věr mvə̀m la.

Nsə̀ŋ mótù nèn a jàŋ kitávín jii, "Du la e ŋkàlaʼ lèn lèn?"

Wíri nèn a nyòtìr a nəə̀ e mótù.

Vikìy ve á kér wóné nèn dzə́ʼə́m. Gháne-eè yií a dze e da.

Mo-oò dzə́ e ghaa wúndù e wìr wùn yeè lav və́ ghaŋ.

M rə̀m jii, mo m sí du e ŋkàlaʼ, bo vèr à fó laʼ a sí lo e làynin.

Wónlě wáy ve á yii yii wáy, ghán ghanén é yuví-iì dzə̀ anín.

Vé ghán ámóʼó yúnrí vifá. M yòʼoò ker mbàm seé yun kifá sho.

Nsə̀ŋ nèn lò e sàsìn e tòŋ sóŋ. Yì-iì sì ghán sé dù.

Wónlé way viyi nèn a dòmnìn a fəə fo mótù.

M dzə́r e kitú kém ki jii, "M sà wíy kfən e bam e ghàn ka á?"

Mótù-uù lum feyì fo mvəm. M lò e sə̀tí sí yém.

M kuúmé yè wor wùn fər wom woo lumèn mo á dzəə̀n fó laʼ.

Ntàm lòo dàr, mbuùné sí nèn lì mo.

M yìmèn a à háwà a shaá ne ànín, e yen a wiri fəə́kír ne, e mày.

Á bèy, m nèn tàʼ fo lav fər bàá wom dzəə̀n, e dù fo.

You are free to download, copy, translate or adapt this story and use the illustrations as long as you attribute in the following way:

Du yeé ŋkàlaʼ ye kuʼùn

Author - Lesley Koyi and Ursula Nafula
Translation - Beatrice Tafon Takeh and Mbinkar Emmanuel Keelen
Illustration - Brian Wambi
Language - Lámnsoʼ
Level - First words