Aberu Nakading'an
John Ng'asike
Jacob Kono
Ng’aturkana
Aya kolong ng'akainon ng'aarei.

Alomito kechi lokol epei ka ekile.
Nyeriamuna kechi ng'ide ng'irwa lukaalak. Nakaneni abu naapolon topoti, kidou ikoku.

Aperorit ekile anawi ng'irwa ng'ulu.
Toting etereku naachi na edounio naapolon.

Kitamu aking'alakin nakain keng dio kidong'io ng'esi ekile anapei.
Ng'irwa ng'ulu pe epoeno akimuj, anyamete ng'itung'a akimuj ejon.
Abu aberu nachi tama, "Edorokini akimuj eng'alakinia nakain kang dio ataar."

Anupit ng'esi atamar epedori akimuj naakonon akiyar ituan.
Kipo ng'esi akimuj ng'irwa lukaalak.

Nakaneni akidwang atonere abu nakain keng totum tanakunaku kotere akimuj naakonon.
Abung'unet ekile, torukau ikoku kidoun, aberu naapolon ketum, nabo akimuj kelomar akipore.
Tatalasi ekile ng'akiro na akipore akimuj king'is tama, "Ng'ae kitatami iyong akipore!"

King'aing'ak aberu ekile tama, "Abala ayong epoo ataaria nakain kang."
"Eng'olikinitor ayong ng'esi etereku kotere edou ikoku tamam ayong. Esibit kituarakini iyong ayong."
Tong'oo ekile kikilak aberu, kichichik tama, "Kimiek ng'itamen luaronok ng'ulu."
Tochunak ekile ng'olo ng'aberu keng, kisisil, dio kitatam eboyor loajokon.
Apotu kechi daang tachamut akipore kotere itutumana akimuj naakonon.

Eger kolong esiakinia akipore akimuj ng'esi ng'olo!
You are free to download, copy, translate or adapt this story and use the illustrations as long as you attribute in the following way:
Aberu Nakading'an
Author - Mary Narebon
Translation - John Ng'asike
Illustration - Jacob Kono
Language - Ng’aturkana
Level - First paragraphs
© African Storybook Initiative 2017
Creative Commons: Attribution 4.0
Source www.africanstorybook.org