Thishela Nkosi
Fakazile Armooh
Vusi Malindi
Lona nguthishela wami.
Sibongo sakhe wakaNkosi. Uyasitsandza kakhulu.
Thishela Nkosi usifundzisa imisindvo nabonkhamisa.
Sengiyabati bonkhamisa a, e, i, o, u.
Thishela Nkosi usifundzise nayi imibala.
Lobovu, loluhlata sasibhakabhaka, loluhlata satjani, lomtfubi nalomnyama.
Nakufike sikhatsi sekulala eklasini, Thishela Nkosi usiculela kamnandzi bese siyalala.
Usiculela tingoma tekulala.
Lena ngulenye yetingoma laticulako. Umlolotelo utsi:
Nika emehlo akho butfongo lobumnandzi. Ulindvwe kumamatseka nawuvuka. Lalani titsandvwa tami, ningakhali futsi.
Thishela Nkosi wati tindzaba letinyenti kakhulu.
Uhlala njalo asicocela tindzaba letinsha emalanga onkhe evikini.
NgeMsombuluko, usicocela tindzaba ngalabadvuna labadvumile.
NgaLesibili, usicocela tindzaba ngalabasikati labadvumile.
NgaLesitsatfu, usicocela tindzaba ngetindlela letehlukene tekutfutsa.
NgaLesine, usicocela tindzaba ngetekulima.
NgaLesihlanu, Thishela Nkosi usinika litfuba lekutsi natsi sicoce tetfu tindzaba eklasini.
Thishela wetfu nguthishela lobengca bonkhe emhlabeni jikelele!
Nami nasengikhulile, ngifuna kufana naThishela Nkosi.
You are free to download, copy, translate or adapt this story and use the illustrations as long as you attribute in the following way:
Thishela Nkosi
Author - Lawrence A. Konjuro
Translation - Fakazile Armooh
Illustration - Vusi Malindi
Language - Siswati
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
