Tikyɛa Talata
R.Y. Tongo and J. Salifu (OLE Ghana)
Vusi Malindi
Nkarimma nŋɔ. U yuuri Tikyɛa Talata. U boori ti paam.
Tikyɛa Talata wulisila bachi koaba. Uwulsiri ti la bachi koaba vuuri. N nintoi mbolli: a, e, i, o, u.
Tikyɛa Talata wulisi ti la buna koom. Mmi bunzie, bunpeili, bundoazum ni bunsabli.
Ti gbihibu saha yi ti paai, U yi yuumini ni ti gbisi. Lala yuuma ma nyala goom yumma.
Goom yuuni ma nyala nŋɔ: Salima goom timti i nini, laamusa musa gurii i ti nia. Gbihima nsuhuyura, dikum Ka nyuum goom yuunsuma nti.
Tikyɛa Talata mi soalima paam. U tiritila soalim kokɔapa bɛo kam bakwai puuni.
Atanidari u yi soalimla soalima zankyanŋi doa wa'ara.
Atalatadari u yi soalimla soalima zan poa wa'ara.
Alaribdari ka u titi looredim soalima.
Alaamisi ka u titi pukpasigu soalima.
Ka Arizuma, ka Tikyɛa Talata chaka ti soalim ti toori nti karimzongu ma.
Ti karimba maa n-nya karimbaŋ sunŋu duniyawa ni. N-yi zoai, n boorila n-nya Kaman Tikyɛa Talata.
You are free to download, copy, translate or adapt this story and use the illustrations as long as you attribute in the following way:
Tikyɛa Talata
Author - Lawrence A. Konjuro
Translation - R.Y. Tongo and J. Salifu (OLE Ghana)
Illustration - Vusi Malindi
Language - Mampruli
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
