Linoha Zamwa Mushitu
Limbali Muyendekwa
Rob Owen
Munzi wa Sinyaire utingululilwe ki mazulu. Noha yetuna neibizwa kuli Unalego kibatu ba mwa munzi. Noha ye neisabisa ahulu batu bamwa munzi bakeng'isa kumizanga mutumbi lipuli ni lingu.
Lizazi leling'wi Apiyo, Ajoh ni Atieno nabayolwalela likota. Bokukwabona basizani babaeleza, "Mumamele noha ya Unyalego. Musike kunga sesing'wi konji feela likota zakulwalela." Konji feela Ajoh yana sikalatelela kulaelwa kwa bokukwa hae.
Basizani bashimba muzilili, makonde, ngulu ni mezi. Bashimba nili tamiso ni sebule yeshengili yaku pumisa likota. Bakala musipili wakuya mushitu.
Mwamusipili wabona bakandeka nikuseha. Muhulwanabona Apiyo aba, "Kuzisa. Lufitile mokupila Unyalego."
Atiego abiza babang'wi, "Amubone meeno angolide a Unyalego. Aluange." Apiyo abataluseza zakulaelwa "Kuzwa kubu kukwabona kuli basike kushimba nihaiba nto iling'wi konji feela likota zakulwalela."
Ajoh ali, "Anibasepi bokuku. Nebasalati feela kuli lushimbe zelu lata. Bana nimuna niluna. Nikashimba meno angolide." Likezeli za hae zabilaela. "Ajoh lukulaezi." Ajoh nasikaiseza ngana kwakulaelwa.
Unyalego niona noha yafita kutobata meno ayona. Neifilikani ahulu kakuli neisikafumana meno ayona. Unyalego yona noha yahutwa basizani inge babulela nikuseha. Seipata mwa licwe kwatuko ni nzila yene bakasebelisa basizani.
Basizani batengenya likota zabona. Nako yenyinyani bahutwa "Hzzzzzzzz!" Basaba nikulika kuipata. Unyalego neitaha inge ihatami, kwitukiseza kuluma.
Unyalego abuza basizani kuli kimani yana lwezi meeno ya hae? Akuna yana alabile. Noha yalika basizani. Yena yasika fosa, ukakona ku opela pina kusina kufosa. Ukaya kwa ndu nili kota za hae. Kono ya fosize ukapalelwa ku opela. Ukaba sico saka kwa mazazi amalalu.
Apiyo aopela ka bukwala. Ni Atieno sa opela pina.
Wamafelelezo, neli Ajoh. Asutelela kwapata inge asabili nikukala kuopela. Kono ku opela kwa hae neli kabusafa ni mazwi afosahalile. Unyalego ahalifa katata, "King'i ausa opeli inge babang'wi?" Noha yaziba kuli Ajoh kiena ya nalwezi meno angolide.
Unyalego amiza Ajoh. Likezeli za hae zamatela kwa hae kuyozibisa muzi kuze ezalile.
You are free to download, copy, translate or adapt this story and use the illustrations as long as you attribute in the following way:
Linoha Zamwa Mushitu
Author - Joseph Sanchez Nadimo
Translation - Limbali Muyendekwa
Illustration - Rob Owen
Language - SiLozi
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
