Cisaka canzoka
Edith Sikota Habwanda
Rob Owen
ChiTonga
Munzi wa Sinyaire uzingulukidwe amalundu. Inzoka zinji zikkala muzisaka zyamalundu aayo. Nzoka mpati yakalikwiitwa kuti Unalego. Nzoka eeyi yakali kuyoosya bantu bamumunzi nkaambo yakalikumena mpongo naiba mbelele mboibede.
Buzuba bumwi Apiyo, Ajoh a Atieno bakaya kukutebba nkuni. Bakaapanyina basimbi aaba bakali baambilide kuti kabacenjela kumakani a Unyalego, muzoka mupati. "Mutakabwezi cintu mucisaka kunze aankuni," mucembele wakacenjezya. Ono Ajoh alikke tanaakatobela malayilile abakapanyina.
Basimbi aaba bakabweza mukupa, mabbanana, cimbwali a meenda. Bakabweza loozi aceba lyakakwengedwe lyakugonkezya nkuni. Bakatalika lweendo lwakuya musyokwe.
Mulweendo lwabo bakali kuyaabubandika akuseka. Mupati wabo, Apiyo wakabaumuzya kati, "Twasika mukkala Unyalego."
Atieno wakaita bamwi, "Amubone meno angoliide okwa Unyalego. Atwaabweze." Apiyo wakabayeekezya mbuli mbubakalayililidwe. Tiibakeelede kubwezi cintu naciba comwe ccita buyo nkuni.
Ajoh walo wakati, "Ma! Nsibasyomi me bakaapa. Tiibalikuyanda buyo kuti tubweze zyotuyanda. Balaamunyono. Ndilaabweza meno angolide." Bana bokwabo bakanyongana mumizeezo. "Ajoh, twakuyeekezya," wakaamba umwi. Ajoh tanaakabikkila maano pe.
Ciindi eeci awalo Unyalego wakaboola kayabuyandaula meno aakwe aangolide. Wakanyema kapati nkaambo tanaakaajana meno aakwe. Unyalego wakamvwa basimbi kabambaula akuseka. Mpoona wakayuba mumbali aanzila eeyo njobalikwiinda basimbi baya.
Basimbi bakatuka nkuni zyabo. Muciindi cisyoonto buyo, bakamvwa citi, "Fwoooo!" Basimbi aba bakayoowa akuyuba. Unyalego wakaboola kaaseme, kulibambila buyo kuluma.
Unyalego wakabuzya basimbi wakati, "Nguni wabeza meno aangu?" Kunyina wakavwiila. Nzoka yakasunka basimbi baya. Utajisi mulandu ulaimba lwiimbo kakunyina kulubizya. Ooyo, ulaunka kung'anda ankuni zyakwe. Uulubizyide ulaalilwa kwiimba. Ooyo ulaba cakulya cangu kwamazuba otatwe.
Apiyo wakaimba cabunkutwe. Atieno awalo wakaimba lwiimbo oolo.
Wamamanino wakali Ajoh. Ajoh wakaswena munsi kayoowede. Wakatalika kwiimba ono tanaakali kwiimba kabotu. Alyalo jwi lyakali libi. Unyalego wakanyema kapati. "Ncinzi ncotaimbi mbuli bamwi?" Nzoka yakazyiba kuti Ajoh ngowakabweza meno aangolide.
Unyalego wakamena Ajoh. Banabokwabo Ajoh bakatijila kung'anda akuyakwaambila bantu bamumunzi cakacitika.
You are free to download, copy, translate or adapt this story and use the illustrations as long as you attribute in the following way:
Cisaka canzoka
Author - Joseph Sanchez Nadimo
Translation - Edith Sikota Habwanda
Illustration - Rob Owen
Language - ChiTonga
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org