Beenzuma
Vision Milimo
Catherine Groenewald
ChiTonga
Izina lyangu ndime Simo.
Ndijisi benzuma bone.
Mazina aabo ngaaya Zizo, Lele, Sisa alimwi Ayanda.
Mbuli mbomuzyi kale kuti muntu a muntu inga ulijisi cintu ncayandisisya kucita kapati mubuumi bwakwe. Zizo ulauyanda musobano wabbola citaambiki.
Lele mwanamusankwa uyanda kudubbwida mukati mumeenda malamfu.
Sisa walo ukkomanina kapati cisobano cakalaambe. Musobano ooyu linji-linji ucitika ciindi camasiku nokuli mwezi.
Ayanda walo uyanda kubala.
Ino muyeeya kuti mebo ncisobano nzi nceyanda. Mebo ndilayanda kucita kufumbwa ceeco beenzuma ncobayanda kucita. Mubbola, ndajanika. Akube kukudubbwida, nkweli. Kalaambe, tacaambwi. Ikubala, mumwesu.
Eelyo aboobo kwiina nkwezulilwa, nyina andaba. Kwaboola Zizo, ndimubbola.
Ndasika kuli Lele, nkudubbwida.
Mwaleta Sisa, ndimukalaambe.
Waitwa ayebo, sunu, sena ncisobano nzi ncoyandisisya kapati?
Boola tuume bbola.
Boola tudubbwide.
Boola tusobane kalaambe.
Langa waindwa, boola tubale antoomwe!
You are free to download, copy, translate or adapt this story and use the illustrations as long as you attribute in the following way:
Beenzuma
Author - Zimbili Dlamini and Hlengiwe Zondi
Translation - Vision Milimo
Illustration - Catherine Groenewald
Language - ChiTonga
Level - First paragraphs
© African Storybook Initiative and Molteno Institute 2014
Creative Commons: Attribution 4.0
Source www.africanstorybook.org