Musomesya Nankoma
Sumba Betty Mafaabi
Vusi Malindi
Onu niiye omusomesya wange. Eliinalye niiye omusomesya oNankoma. Antaka ino.
Omusomesya oNankoma atwegesya owalifu n'enyukuta ensiriki. Nsobola okusoma enyukuta a, e, i, o, u.
Omusomesya oNankoma atwegeselye amalangi amatukuliki, agabululu, agekiragala, agakinamagi, n'amairugazu.
Omu kiseera eky'endoolo, omusomesya atwembera akembo tugone. Atwembera akembo aka tusununkirirya.
Akembo akasununkirirya kaaba kati: Ondoolo w'ezaabu, okwaate amaaiso Okumwemwenyura kubakumiriire emwalamuka. Batake bange mugone, timwakunga. Era n'abembera akembo akasununkirirya akasa.
Omusomesya Nankoma amaite engero nyingi. Atukobera engero egy'engeri buli lunaku omusaabbiiti.
Olwebbalaza, atugerera olugero olukwata oku basaiza abamaani.
Olwokubiri, atugerera olugero olukwata oku bakali abamaani.
Olwokusatu, atugerera olugero olukwata oku byentabula.
Olwokuna, atugerera olugero olukwata oku byobulimi.
Olwokutaano omusomesya oNankoma atukoba swena okugera engero gya iswe eeri ekibiina.
Omusomesya wa iswe niiye omusomesya asinga obusa omu basomesya oku kyalo. Zena owenakula, ntaka kubba ng'omusomesya oNankoma.
You are free to download, copy, translate or adapt this story and use the illustrations as long as you attribute in the following way:
Musomesya Nankoma
Author - Lawrence A. Konjuro
Translation - Sumba Betty Mafaabi
Illustration - Vusi Malindi
Language - Lugwere
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
