Enkerai Nayaua Eseriani
John Nga'sike and Susan Nashipae
Jacob Kono
Netii ena tomononi nanapita enkerai enye entim alo aitau irganayio.
Ore te ntim netum olchani ooata irganayio ooto.
Neirajie ninye enkerai enye nairura abori olchani, neked ninye olchani.
Nelotu olmurrani lo likae osho neingasia ninye oleng'neikilikwan kweon nejo, "Koree ngotonye ena kerai?"
Nejo ninye airrugo neinyoyie enkerai oltuala loo maasaa naishopito ninye temurt enye.
Nisho ninye enkerai edalare imasaa enyanak neshipakino ninye enkerai oleng adalare nena masaa ilo murrani.
Neingorr ninye ngotonye abori ainguraa ajo kanyio nagira aitakweni enkerai, nedol ninye oltungani lemeyiolo oogira ataaniki enkerai enye.
Ore pee edol ngotonye enkerai egira omurrani adalare enkerai enye neirut ninye oleng omeitiai orbene obore irganayio.
Ore pee edol omurrani ajo eiruto ngotonye nejoki mintoki auresho amu kagira ake adalare enkerai ena kerai ino sidai.
Inaa taa pee edou ninye entomononi to ichani.
Neitayu ninye omurrani emaasai enye nabo neisho enkerai nejoki, "Nena enkishoroto ino."
Nejoki ninye ina tomononi, "Tudumu enkerai ino orbene lino shomo ang nijoki orpayian lino pee eidur alo emurrua natii eseriani amu aishoo enkerai ino eseriani."
You are free to download, copy, translate or adapt this story and use the illustrations as long as you attribute in the following way:
Enkerai Nayaua Eseriani
Author - John Nga'sike
Translation - John Nga'sike and Susan Nashipae
Illustration - Jacob Kono
Language - Maa
Level - First sentences
© African Storybook Initiative 2016
Creative Commons: Attribution 4.0
Source www.africanstorybook.org
