Moya
Tseliso Masolane
Google and Zethu
Moya o a rora. O rora o feta heso.
Moya o matla. O hula khaete ka letsohong la ka.
Ke matha ka mora khaete ya ka. Moya o mphefolela hole le khaete!
Moya e ba sefefo. O nkela khaete ya ka hodimodimo.
Sefefo se a nkwenya! Ha ke bone letho, ha ke tshware letho.
E hokae khaete ya ka jwale? Mohlomong e tshwasehile sefateng.
Mohlomong khaete ya ka e sa ntse e fofa marung.
Moya o qetella o kgutsa. Ke ntse ke bidika.
Ha ke emisa ho bidika, ke a qamaka. Moya o ile hokae?
Ha ke bone khaete ya ka hohle. Ha ke sa utlwa moya.
Mohlomong hosane ke tla fumana khaete ya ka. Jwale, ke tlameha ho ya hae, pele moya o qala ho rora hape.
You are free to download, copy, translate or adapt this story and use the illustrations as long as you attribute in the following way:
Moya
Author - Ursula Nafula
Translation - Tseliso Masolane
Illustration - Google and Zethu
Language - Sesotho (South Africa)
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
