Esichakha Esya Chinjukha
Joseph Sanchez Nadimo
Rob Owen
Olukongo lwa Sinyaire lwabondokhwania nende chingulu ichiarumba chinjukha ichiaamenya mu bichakha. Injukha ihongo yalangwa Unyalego. Abandu bairia hubera yamira bandu, chimbusi nende makondi.
Einyanga ndala Apiyo, Ajoh nende Atieno bachia husichakha okonya chikhwi. Kukhu yabwe yamakania, "Ni mkenda mwe tang'e nende Unyalego. Mratemakho odira esindu siosi esiri saba sieng'u." Ajoh yong'ane hubakhana abo bosi sia aburira esia kukhu yabola.
Mani abakhana bakinga mabere, mabwoni nende amatsi. Bakinga mikoye ekioboya nende tsibanga etsia ohenga.
Ni bakenda balomaloma ni bachekhe hulondokhana nende chingano. Apiyo mukhulundu khu nivo yecha yang'ra tsi na ababorera, "Mung'ire Unyalego yamenya ano."
Atieno yalola menoo ka Unyalego, "Ringala meno kaye nga hukinge." Apiyo yakhaya, "Hurebirira kukhu arukanisie huratema okingaa esindu siosi esiraba chikhwi chiong'ane."
Ajoh namkalusia, "Esie siamina makhuwa aka kukhu mbara abolere endio hurakatsia obukula sindu silayi. Esie ndakinga menoo kanoo." Abasie batema omukania lakini Ajoh yakhaya.
Ebikha byo Unyalego yafunya nachaka okonya amenoo kaye. Yakasirika hubera siayanyola a yakageng'a. Yeche na rekeresia kala na aburira bakhana nibalomaloma nende ochekha. Yekisaa aambi nende ingiira ayamanya mbwe bakhana abo banabira.
Bakhana mani bakinga chikhwi chabwe ni bwabwao bachekhurania sa ni baburira, "Hzzzzzzzz!" Uburi bwa barumba ni batema huwekisaa. Unyalego yari yasame munwa kwaye tayari obaluma.
Yachaka mberi yabareba, "Wina hueng'we abakule menoo kange?" Bosi bang'ira. Na babolera ndabapima mwosi. "Oonemba lwimbo lwino bilayi anabakula chikhwi chaye na bwaoo. Ne ubukule sa nemba bilayi. Anaba biyakhuria byange hu chinyanga chidaru!"
Apiyo nende isauti indai yachaka huimba lwimbo luosi bilayi: Sio mimi, sio mimi mwenye aliye na meno, Mwenye meno bado yuko nyuma." Atieno yemba yosi bilayi."
Owa dong'a inyuma yari Ajoh yari muri nga yachanga se ndi mbwe yemba Isauti nende lwimbo lwakabukhana nende Apiyo nende Atieno nga beemba. Unyalego yamkalusia na mani nende ririma, "Si wemba nga basioo?" Injukha yamanya sa mbwe ni Ajoh niee abakulee menoo kayee.
Unyalego yamiira Ajoh. Ne abasio berukhaa bafunyaa hulokongoo oborera abandi esigano sino.
You are free to download, copy, translate or adapt this story and use the illustrations as long as you attribute in the following way:
Esichakha Esya Chinjukha
Author - Joseph Sanchez Nadimo
Translation - Joseph Sanchez Nadimo
Illustration - Rob Owen
Language - Olunyala
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org
