Dikatse tša Selemeng
Motlhago Sara Mohale
Jesse Breytenbach
Selemeng o rata dikatse.
Ke tše dintši ga gabo.
Selemeng o na le katse ye tee ye ntsho.
E ja nama kudu.
Selemeng o na le katse ya go nona kudu.
E ja sengwe le sengwe.
Katse ya boraro, e a kitima, ya namela mohlare.
Ya ba le bothata gore e tla fologa bjang mohlareng.
Selemeng le yena a namela mohlare.
Selemeng a ba le bothata le yena.
Mma wa Selemeng a swanela ke go tlo thuša Selemeng le katse go fologa mohlare.
Selemeng o na le dikatse tše pedi gape.
Di be di rata go orela letšatši mosegare ka moka.
Selemeng o na le dikatse tše tharo gape tša go phela di šoma.
Bošego di swara magotlo ka ntlong ya dijo.
Selemeng o na le mpša ye tee. Leina la yona ke Lirafi.
Lirafi ga ena bagwera. E kwatile.
Dikatse tša Selemeng ga di rate Lirafi.
Tša koba Lirafi ka ntlong. Lirafi ya tšhaba.
Selemeng a swanela ke go lata Lirafi gore e boe gae.
Dikatse tšona tša kwata.
Ga di nyake go bona Lirafi le ga tee.
Selemeng o na le dikatse tše kae ga gabo?
Ee, o na le dikatse tše seswai!
Selemeng o na le dimpša tše kae ga gabo?
Ee, o na le mpša ye tee.
Selemeng o rata dikatse tša gagwe tše seswai le mpša ya gagwe ye tee.
Wena ka gae, o nale dikatse tše kae?
Le dimpša tše kae?
You are free to download, copy, translate or adapt this story and use the illustrations as long as you attribute in the following way:
Dikatse tša Selemeng
Author - Khothatso Ranoosi and Marion Drew
Translation - Motlhago Sara Mohale
Illustration - Jesse Breytenbach
Language - Sepedi
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source http://paleng.weebly.com/.
