Bok, Hond en Koei
Tristan Mark Ilsley
Marleen Visser
Bok, Hond en Koei is groot vriende. Eendag gaan hulle op reis in 'n taxi.
Toe hulle by hulle bestemming aankom, vra die bestuurder hulle om hulle reisgeld te betaal. Koei betaal toe haar geld.
Hond betaal 'n bietjie ekstra, want hy het nie die korrekte kleingeld nie.
Die bestuurder wou net vir Hond sy kleingeld teruggee, toe Bok weghardloop sonder om enigiets te betaal.
Die bestuurder was baie kwaad. Hy ry weg sonder om vir Hond sy kleingeld terug te gee.
Dit is hoekom Hond vandag nog na 'n motor hardloop om binne-in te loer op soek na die bestuurder wat hom sy kleingeld skuld.
Bok hardloop weg as sy 'n motor hoor aankom. Sy is bang sy sal in die tronk beland omdat sy nie haar reisgeld betaal het nie.
En Koei gee glad nie om wanneer 'n motor aankom nie. Koei stap op haar tyd oor die pad, want sy weet sy het haar reisgeld ten volle betaal.
You are free to download, copy, translate or adapt this story and use the illustrations as long as you attribute in the following way:
Bok, Hond en Koei
Author - Fabian Wakholi
Translation - Tristan Mark Ilsley
Illustration - Marleen Visser
Language - Afrikaans
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
