Intwala eyachotshwa
Zimbili Dlamini
Magriet Brink
isiZulu

Kwasukasukela. Emandulo kwakukhona izinsizwa ezazilahlekelwe yizinkomo.

Zahamba kwaze kwahlwa, zifuna izinkomo.

1

Sekuhlwile, babona umuzi okhanyayo. Bavumelana ngokuthi kungcono bayocela indawo yokufihla ikhanda.

2

Bafika bangqongqoza, bavulelwa, bangena.

Kuthe sebengaphakathi bangabona muntu. Bezwa izwi libabingelela.

3

Laqhubeka izwi lathi, "Mina ngiyintwala. Vulani ebhodweni, niphake nidle. Nikhe amahewu embizeni niphuze."

4

Intwala yadonsa isikhumba sayo yaphuma.

5

Badla, baphuza, babonga bahamba.

6

Besesendleleni bafikelwa umcabango omubi, bathi, "Ngeke silokhu sidla ukudla kwentwala."

Bavumelana ngokuthi abajike bayoyichoba.

7

Hhayi ke, ngempela bafike bayichoba.

Bathi beqeda nje, awu! Bazithola sebehleli phandle umuzi usushabalele nayo intwala ingasekho.

Cosi cosi yaphela!

8
You are free to download, copy, translate or adapt this story and use the illustrations as long as you attribute in the following way:
Intwala eyachotshwa
Author - Zimbili Dlamini
Illustration - Magriet Brink
Language - isiZulu
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
Original source