Khare khare, yatio omukhana yalangibwa Kalabushe. Kalabushe yati omukhana mulomi lomi. Ng'ina Kalabushe yamukania arekhe khubola lukari Kalabushe naye siyaburira tawe.

Inyanga ndala, shenjenyene Kalabushe yatirwa nende bulware. Yamenya lubeka lundi lwa lukongo lwabu Kalabushe.

Mayi wa Kalabushe yati adiyikhe ludalo olwo. Yati musijiambo, ng'ina naberesha Kalabushe biakhuria airire shenjenyene mulwaye.

Khunjira Kalabushe yakutana nende Sinson, Ing'u yati yekhorere Omundu.

Sinson yamuteba neshina esia yati akingire. Kalabushe yamukalusha ati "ne enyama, mabuyu nde mabere'. Nyina Kalabushe yati amukanishe si asunga esia achinjire ta."

Kalabushe yameta ati shenjenyene yati mulwaye ni yati amu irira biakhuria. Sinson yatsaka khutonya mate, nde khuekomba enyama ya Kalabushe yati atsinjire.

Yerukha tsimbiro natsa munyumba ya senjenyene Kalabushe.

Yatia shenjenyene Kalabushe namala yefunikha ribulangeti riaye.

Kalabushe yola nanyola inyumba inyirire tsii. Yenjira mukari nalanga ati "Senje, oti ena?"

Nga olwa yakosa khuburira senjenyene nakalusia, yenjira musigora owa senjenyene yakonanga. Yeshindukha khunyola omundu yefunikhe ribulangeti likhongo.

"Senje, khulwa shina matwi kao nimakhongo muno?" Kalabushe yateba. Sinson yamu kalusha ati "khubulire bulayi."

Kalabushe yateba khandi, "Senje khulwa shina tsimoni tsiao nitsikhongo lukari lero?" Sinson yajiba ati, "khubone bulayi."

Kalabushe yamala nateba ati, 'senje khulwa shina omunwa kwao ni omukhongo?" Sinson yakalusha ati "Khu khumite." Sinson yaruka khutula mubutiri namita Kalabushe."

Khulwa Kalabushe yati omulomi lomi muno, yatsirira khulomaloma nari omunda mwa Sinson. Yateba matebo mangi.

Lunyuma, Sinson yajong'a nde matebo ka Kalabushe, ni yaamua khumu futsa.

Kalabushe nende senjenyene baonisibwa nende bana Lukongo. Khutsanga inyanga eyo, Kalabushe yarekha khuloma loma nende abanandu ba akolibwe.