ꞌDĩ ãmbógó Ụ́nụ́ ꞌi.
'Dĩ ãmbógó Drị̃kụ̃lụ̃ ꞌi.
Ãmbógó Drị̃kụ̃lụ̃ kí ándrájọ̃ ãmbógó Ụ́nụ́ be wọ̃rị́. Ụ́ꞌdụ ãlu mụkí ãcị̃ gá.
Acá kí ị̃yị́ tị gá, í'dó ga kí ãgátã i'bã éséleá. Ụ́nụ́ jọ mí icó ị̃yị́ drị̃ mvulé ku. Drị̃kụ̃lụ̃ umvi, "Ma mvu rá ímvu ku la miꞌi."
Ụ́nụ́ jọ, "Imvu dó drĩ." "Yụ mí Iꞌdó." Ụ́nụ́ nga ị̃yị́ drị̃gâ sĩ cũrã.
Drị̃kụ̃lụ̃ mvu ị̃yị́ agá cụ̃rụ̃. ꞌDe ị̃yị́ ị̃ndụ́ drị̃kã la la adru jó use-use rĩ sĩ.
Ãmbógó Ụ́nụ́ gụ, "Hãꞌáyẽlô!" Ãgụŋá ambambarĩ sĩ Ụ́nụ̂ tị sĩ trã.