Au piyi andra Eliriga be agyii ni. Te yii andra abala bay ii ma eselea saaru. Odu azi alu muu mupira avi nezu adi ni mupira avi onyiru ndeni ri ya.

Mu mupira pari aa ra, edo muipora avi. Au ma ongu ci te Eliriga ma ongu ndeni. Au ni mupira gbaa re te Eliriga ni mupira gbaa re ndeni. Au ma asi edo eca onzi.

Asi di yo yii ma ogbaa penati ii. Oko ni Eliriga edo mupira bii goli ru ni. Au su lu mupira alu toko. Da vutia Au oja ii goli mupira bipiri ru.

Eliriga gbaa miupira pasi mupira fi ra. Eliriga otruu mupira, su mupira ra. Eliriga sii mupira dri si mupira fi ra. Eliriga su mupira towi.

Awoko nya Au ni saaru Eliriga ni ii nde ri si. Au leni andraa ba ma nde ii ku. Eliriga edo Au ni gu awoko ni ii ma agyi ni nyaleri si.

Awoko nya Au ni saaru, zi ii ma ti ambu kii eliriga ni ii ma alea.

Au ni mu ria akua fuki dri Eliriga ma andri be. Eliriga ma andri nga Au ni zi "I nee ma mva ray a?" Au ovu ciri. Eliriga ma andri eca orate si.

Eliriga ma andri eri oduko azini gaa ni "mama eko maa azaa fo!" One angu tit e oduko nde ri efu engazu Au ma alea.

Eliriga ma andri tre okposi "Mi ayu mi ma ondua ndu ri!" Eliriga eco azaanga onzi ni ofu ra azini yi vini fe mi tile ni acu ra. Au eca azoru.

Au duu ti, kii ii ma alea, wii di amve. Coo omvu, gaa ekele, Eliriga ma aji ngu drinia azini tinia anzirikana ru!

Au ga ekele kpere eri ni Eliriga ni ega ria amve. Eliriga pi yii ii ma mva be gaa di pati sia yii zizu.

Edo zu odu da si kpere andru si Eliriga piyi Au be aribo ni.