Keyiolo iltung'ana aajo keata oltome enkume naado.

Kake ore apa naa keidorrop naa sapuk enkume oltome. Kenyaanyukie enamuke te mpolos e nkomom enye.

Neini olkuoo lo' ltome oikilikuanisho. Neikilikuanishore inkukuni pooki.

Neikilikuan olmeut ajoki, "Kainyoo pee iyata emurt naado?"

Neikilikuan emuny ajoki, "Kainyoo pee epi emowuo ino?"

Neikilikuan olmakau ajoki, "Kainyoo pee iyata inkonyek naado?"

Neikilikuan olkinos ajoki, "Kainyoo oshi inya teipa?"

"Mintoki aikilikuanisho aiko nejia!" Nejoki ng'otonye. Nelo aing'uaa etagore.

Kake etiaka olkurruk ng'en, "Tusujuaki olkeju. Ore teine naa idol entoki nanya olkinos teipa."

Nesuj olkuo lo' ltome olkurruk ometabai olkeju.

Negiroo oseyiai ometabai emarti o olkeju. Neing'or enkare. Koree olkinos?

"Supa," nejoki osoit otii embata e emarti o olkeju. "Supa," newaliki olkuo lo' oltome. "Ekindim atoliki endaa oshi nanya olkinos teipa?"

"Irrugoyu pee aaliki," nejoki osoit. "Tadoi, tadoi " Neirrugo olkuo lo' oltome alo abori, ometaba anaa.

Neyietu! Etii enkume enye ilala le olkinos. "Ekinya olkinos aitaa endaa e teipa!" Neishiraki olkurruk.

Neigutuma olkuoo lo' oltome te neyiataa, neyiataa, neyietaa. Kake eitu eing'ueki olkinos.

Neyieta enkume olkuoo lo' oltome, neyieta, neyieta ometaba anaa. "Duufff!" Nebatata te enkoriong.

Nelau endaa enye e teipa, nedeenyari olkinos ajing atua enkare.

Neing'or olkuoo lo' oltome enkume enye. Melioo eneiting'ie.

Keado oleng neaku keidim aitayu ilnganayio te enchumata o olchani.

Neisuj kewan te enkare te enkata nairowua.

Ore ometabaiki taata, keata iltomia inkaik adoru naasishore.