ɣɔn aköl tök ee nɔŋ mony ke tiɛŋde, aake nɔŋ wät ka dhetem ku nyaan tök.

Rin ee nyanë acɔl Natabo. Kɔc kɛn aake nhiaar Natabo arëët arɛ̈k awär nhiëër wät amɛ̈thke.

Go kɔc kɛn nyandɛn yiɛ̈k töny thiin kor ke ye mɔ̈c tënë yen.

Natabo anhiar töny thin koorë. Anhiɛɛr ë nyan thiinë ben yaa riäŋ.

Aköl tök, go dɛ̈ rɔt tɛ̈ɛ̈m, go dhäk töny Natabo kuem. Arɛ̈k abë jal yaa ŋuëk thii kor.

Go wät amɛ̈thke jäl rëër eke kuc kë bïk looi. Gokï ka thii wën cë kuɛm cuat roor ë butic.

Natabo acë tönyde göör go cuɔ̈k yök. Go nyan thiinë puɔ̈u rɛ̈ɛ̈c ku dhiɛɛu. Go ee nyan thiinë jai ke cë cam këthi.

Go ee nyan thiinë kɔc ken ku wät amɛ̈thke lɔ̈ŋ bïk töny göör, ku kë tɔ̈ thïn gokï cuɔ̈k yök.

Go Natabo puɔ̈u rɛ̈ɛ̈c arëët ku kɔt wei ku leer roor. Go ë nyan thiinë riŋ roor.

Go ee nyan thiinë yith ë tim bär arëët nhom ku jiɛi ke cë nyith piny.

Go kɔc ken ke Natabo nyandɛn göör.

Gokï nyan dɛn yök, ku thiëc kï bë yïïth piny. Ku kë tɔ̈ thïn go jai. Gokï yɔ̈ɔ̈k bë yïïth piny, go ee nyan thiinë ŋuɔt ë jiɛi.

Go wät amɛ̈thke Natabo röt kuɔ̈ɔ̈t ku getkï dit bïk thiëëc bë yïïth piny.

Kän ayenë kee dit: "Kuɔ̈ɔ̈nda, bär piny ku buk lɔ baai. Yïn abuk yiɛ̈k tony jöt!"

Go Natabo käk riäŋ looi ke wɛ̈t amɛ̈thke.

Go din thöŋ ket, ku kë tɔ̈ thïn, ke ket kɛ̈ɛ̈r dhäk, "Ninini-ninio, ninini-ninio. Ninini-ninio, ninini-ninio!"

Go mɛ̈th Natabo them bïk leel bï yiïth piny.

Go nyan thiinë ket, "Mäthdië, bär piny ku buk lɔ baai. ɣok aabë yï yiɛ̈k töny jöt!"

Ë määth, go Natabo gɔl bë yïïth piny ë tim nhom.

Mɛ̈th ee nyan thiinë aacë jäl bɛ̈në lɔ tueŋ ëke kët arɛ̈k abë Natabo yïïth piny.

Go Natabo mɛ̈thke lɔ̈ŋ.

Gokï jäl cath ë määth lɔ pan Natabo.

Go wät amɛ̈thken Natabo ku kɔc ken puɔ̈ɔ̈th miɛt wën cïï nyandɛn dhuk. Go kɔc ken yai looi, kekë mɛ̈th ken juëc ku kɔc ruääi ke ye.

Ku ë tɛ̈ɛ̈n, go Natabo puɔ̈u miɛt kekë töny deen jöt.