Cu mandi̱t ni cäŋ ɛ car i̱ bɛ nyiman ni pay gui̱l. Kä pay cieŋɛ nhial kui̱c in dɔ̱ŋ.

Cu cäŋ pua̱r jiök i̱, "Bä luny jɔk kɛ pɛ̈th."

Mëë ci cäŋ jiɛɛn, cu pääm tarɛ ni wuɔ̱thnikiɛn ti bo̱o̱r la̱th.

Cu jiɔam tekɛ ŋaknom kɛnɛ jɛn. Cu jɛn gaak.

Cu kɛ ji̱thkiɛn yuɔr kä cukɛ gua̱a̱th thiäŋ.

Cu nhial ma̱a̱r tuok. Cuɛ luɔc ɛla mi cuor.

Cu pua̱a̱r gaak kɛ nën kä ti diaal ɛ tɔ̱.

Cukɛ wiee tuok. Cuɛ tekɛ mer ti ŋuan.

Cu wi̱c muɔ̱ɔ̱n kɛɛliw di̱ŋ tuok piny pi̱i̱ni.

Kɛ gua̱a̱th mi tɔt, kui̱c in dɔ̱ŋ cu cäŋ rɔɔdɛ rialikä bänyɛ nyiman piny.

Cuɛ pay cim nerɛ jɛ kä cuɛ wä cieŋ.

Cu nhial lɔcdɛ tɛɛth kɛ nën ca̱ŋ mi luoc rɔɔdɛ ɛla mi yel mi riaŋriaŋ.

Cu pääm bieynikiɛn tin gɔw tin tɔɔc la̱a̱th.

Cu jiɔam wä tɔ̱ɔ̱c.

Cu jɛn yuankiɛn riny kä cu dɛykiɛn duɔth.

Cu pua̱a̱r lo̱ckiɛn tɛɛth kɛ nendiɛn kɛ cäŋ.

Cukɛ wä ŋar.

Cu juaac tin tɔani päl piny wee kɛn i̱, "Ɣa̱a̱y."

Cu wi̱c muɔ̱ɔ̱n kɛɛliw rɔ lɛp.

Cu cäŋ buaydɛ lɛ̈p gua̱thni diaal.

"Cuɛ wee cä lar yɛ i̱ bä luny jɔk," cuɛ kɛ buum.